រថយន្ត Toyota RAV4 ស៊េរីឆ្នាំ២០១៩ ត្រូវបង្ហាញជាផ្លូវការហើយ
- 2018-03-28 10:11:40
- ចំនួនមតិ 0 | ចំនួនចែករំលែក 0
រថយន្ត Toyota RAV4 ស៊េរីឆ្នាំ២០១៩ ត្រូវបង្ហាញជាផ្លូវការហើយ
ចន្លោះមិនឃើញ
រថយន្ត Toyota RAV4 ស៊េរីឆ្នាំ២០១៩ ដែលជារថយន្តជំនាន់ទី៥ ត្រូវបានបង្ហាញនៅទីក្រុងញ៉ូយ៉ក សហរដ្ឋអាមេរិក កាលពីពេលថ្មីៗនេះ។
នៅអាមេរិក រថយន្តនេះ មាន ២ប្រភេទម៉ាស៊ីន ដោយត្រូវបានបំពាក់ម៉ាស៊ីនដែលមានចំណុះ ២,៥លីត្រ ស៊ីឡាំង៤ (ស៊ីសាំងសុទ្ធ) និងម៉ាស៊ីនដែលមានចំណុះ ២,៥លីត្រ ប្រភេទ Hybrid (ស៊ីសាំង-អគ្គិសនី)។ ចំពោះកម្លាំងសេះ និងលក្ខណៈសម្បត្តិផ្សេងទៀត មិនទាន់ត្រូវបានបញ្ចេញនោះទេ។
ផ្នែកខាងក្នុងរថយន្ត មានបំពាក់រន្ធ USB បន្ទះសម្រាប់សាកឧបករណ៍ដែលមិនចាំបាច់ប្រើខ្សែ និងប្រព័ន្ធសំឡេង JBL ផងដែរ។
RAV4 ស៊េរីឆ្នាំ២០១៩ ប្រភេទអត់ Hybrid នឹងត្រូវចេញលក់នៅចុងឆ្នាំនេះ ខណៈប្រភេទ Hybrid នឹងត្រូវដាក់លក់នៅដើមឆ្នាំ២០១៩។ លក្ខណៈសម្បត្តិ និងតម្លៃ នឹងត្រូវប្រកាសនៅពេលក្រោយ៕