បទ "រាំស្កុប" ត្រូវបានក្រសួងព័ត៌មាន ឲ្យបញ្ឈប់ចាក់ផ្សាយហើយ

2018-03-30 10:25:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងព័ត៌មាន បានណែនាំឲ្យស្ថានីយទូរទស្សន៍ និងទូរទស្សន៍គ្រប់ប្រព័ន្ធ និងម្ចាស់ទូរទស្សន៍អនឡាញគ្រប់ប្រភេទ បញ្ឈប់ការចាក់ផ្សាយបទចម្រៀង ដែលមានចំណងជើងថា "រាំស្កុប" របស់ផលិតកម្មសាន់ដេ។ នេះបើតាមសេចក្តីជូនដំណឹងរបស់ក្រសួងព័ត៌មាននៅថ្ងៃទី៣០ ខែមីនានេះ។

មូលហេតុនៃការបញ្ឈប់ការផ្សាយបទចម្រៀងនេះ គឺដោយសារឈុតសម្តែងបទចម្រៀងនេះ បានប្រើឯកសណ្ឋានដែលមានស្លាកសញ្ញា (Logo) របស់មន្ទីរពេទ្យកាល់ម៉ែត្រ ដោយគ្មានការអនុញ្ញាត ធ្វើឲ្យប៉ះពាល់ដល់កិត្តិយស សេចក្តីថ្លៃថ្នូររបស់មន្ទីរពេទ្យ និងទឹកចិត្តក្នុងការបំពេញការងាររបស់បុគ្គលិកនៃមន្ទីរពេទ្យ។

សូមរំលឹកថា កន្លងមក ក្រសួងក៏បានហាមចាក់ផ្សាយបទចម្រៀងមួយចំនួនផងដែរ ដោយហេតុផលផ្សេងៗគ្នា ដែលមានដូចជាបទ ស្អាតជានិច្ច, ស៊ីបានចេះតែស៊ីទៅ, ទាល់តែយូរទើបស៊ីអូនបាន និងបទគ្រូបង្រៀនស្រវឹងស្រាជាដើម៕