រឿងរ៉ាវមួយរវាង ចាន់ វឌ្ឍនាកា និង Van Nistelrooy ត្រូវបានលាតត្រដាង

2018-04-02 07:45:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅរសៀលថ្ងៃទី២ ខែមេសា ឆ្នាំ២០១៨នេះ តារាបាល់ទាត់កម្ពុជា ចាន់ វឌ្ឍនាកា បានបង្ហោះនៅលើបណ្ដាញសង្គមហ្វេសប៊ុក ដោយបង្ហើបពីរឿងដ៏គួរឲ្យចាប់អារម្មណ៍មួយរវាងខ្លួន និង Ruud van Nistelrooy បន្ទាប់ពីវីរបុរសរបស់ក្លឹប Manchester United រូបនេះ បានធ្វើដំណើរមកដល់ប្រទេសកម្ពុជា។

ចាន់ វឌ្ឍនាកា លេងឲ្យក្រុមជម្រើសជាតិកម្ពុជា

ខ្សែប្រយុទ្ធដែលកំពុងលេងនៅលីគកំពូលម៉ាឡេស៊ីខាងលើ បានលាតត្រដាងថា កីឡាករ Ruud van Nistelrooy គឺជាកីឡាករបាល់ទាត់ដំបូងគេ ដែលធ្វើឲ្យខ្លួនចាប់យកអាជីពកីឡាបាល់ទាត់។

ជាមួយគ្នានេះ វឌ្ឍនាកា បានបង្ហាញការសោកស្ដាយដែលមិនបានជួបផ្ទាល់ជាមួយ Van Nistelrooy ដែលមកដល់កម្ពុជា នៅថ្ងៃទី២ មេសានេះ។

Ruud van Nistelrooy បានមកដល់ព្រលានយន្តហោះអន្តរជាតិភ្នំពេញ នៅថ្ងៃទី២ មេសា ឆ្នាំ២០១៨

សូមបញ្ជាក់ថា ការមកដល់នេះ គឺដើម្បីចូលរួម ក្នុងកម្មវិធី «ដំណើរទេសចរណ៍ពានរង្វាន់ក្របខ័ណ្ឌ UEFA Champions League ២០១៨» ចាប់ពីថ្ងៃទី២-៤ មេសានេះហើយ តាមការអញ្ជើញរបស់ក្រុមហ៊ុន Heineken ដែលជាអ្នករៀបចំកម្មវិធី៕

ចុចអាន Van Nistelrooy វីរបុរស Man Utd បានមកដល់ខ្មែរហើយ

អត្ថបទ៖ លាភ.