កម្ពុជា-កូរ៉េ បានសិក្សាការដឹកជញ្ជូនតាមផ្លូវទឹកពីភ្នំពេញទៅក្រចេះ រួចរាល់ហើយ

2018-04-06 03:46:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងសាធារណការ សហការជាមួយកូរ៉េខាងត្បូង តាមរយៈអង្គការ KOICA បានបញ្ចប់ការសិក្សាការដឹកជញ្ជូនតាមផ្លូវទឹកពីរាជធានីភ្នំពេញ ទៅខេត្តក្រចេះ សព្វគ្រប់អស់ហើយ។ នេះបើតាមការបញ្ជាក់របស់លោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន ក្នុងពិធីបើកឲ្យដំណើរការកាណូតដឹកអ្នកដំណើរពីព្រែកព្នៅ-ភ្នំពេញ-តាខ្មៅ នៅព្រឹកថ្ងៃទី៦ ខែមេសា ឆ្នាំ២០១៨។

លោក ស៊ុន ចាន់ថុល ថ្លែងមុនពេលចូលជិះកាណូតពីភ្នំពេញ ទៅតាខ្មៅ នាព្រឹកថ្ងៃទី៦ ខែមេសា ឆ្នាំ២០១៨ នៅកំពង់ផែឫស្សីកែវ

លោក ស៊ុន ចាន់ថុល បាននិយាយថា នាពេលខាងមុខនេះ ក្រសួងនឹងកសាងកំពង់ផែ១ទៀតនៅទន្លេបិទ ដើម្បីបង្កភាពងាយស្រួលដល់ប្រជាពលរដ្ឋដឹកកសិផលពីខេត្តនៅផ្នែកខាងលើ និងអាចលក់ទៅបរទេសផងដែរ។

លោករដ្ឋមន្រ្តីបន្តថា រាជរដ្ឋាភិបាលកំពុងជំរុញការដឹកជញ្ជូនតាមផ្លូវទឹកទាំងមនុស្ស និងទំនិញ។ លោកថាកម្ពុជា សម្បូរទៅដោយទឹកដូចជាទន្លេមេគង្គ ទន្លេសាប ទន្លេបាសាក់ និងទន្លេសេកុងជាដើម ប៉ុន្តែមិនទាន់បានប្រើប្រាស់ទន្លេទាំងនេះ ឲ្យអស់ពីសក្តានុពលនៅឡើយ៕

អត្ថបទ៖ សំភី