លក្ខណៈពិសេស ៤យ៉ាងរបស់រថភ្លើងទៅកាន់ព្រលានយន្តហោះអន្តរជាតិភ្នំពេញ

2018-04-10 04:00:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមលិខិតរបស់ក្រុមហ៊ុន រ៉ូយ៉ាល់រេលវេ បានឲ្យដឹងថា រថភ្លើងថ្មី ដែលត្រូវដាក់ឲ្យដំណើរការទៅមក ស្ថានីយភ្នំពេញ-ព្រលានយន្តហោះអន្តរជាតិភ្នំពេញ មានលក្ខណៈពិសេសៗ ចំនួន ៤ ។

រថភ្លើងមានស្រាប់ ស្ថានីយភ្នំពេញ-ព្រលានយន្តហោះអន្តរជាតិភ្នំពេញ

១- ក្បាលម៉ាស៊ីនចំនួនពីរ មុខមួយ និងក្រោយមួយ

២- បច្ចេកវិទ្យាចុងក្រោយបំផុត ប្រកបដោយសុវត្ថិភាពខ្ពស់ ដោយមានកៅអីដូចកៅអីក្នុងយន្តហោះ ដែលអាចបត់បែន និងកែតម្រូវទៅតាមចិត្ត

៣- បន្ទប់ទឹក ម៉ាស៊ីនត្រជាក់ ទ្វារស្វ័យប្រវត្តិ និងកន្លែងដាក់ឥវ៉ាន់នៅខាងលើអ្នកដំណើរ

៤- Wifi ទូរទស្សន៍ និងប្រព័ន្ធផ្ដល់ព័ត៌មានតាមវីដេអូ។

លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកញ្ជូន ធ្វើដំណើរលើរថភ្លើង ស្ថានីយភ្នំពេញ-ព្រលានយន្តហោះអន្តរជាតិភ្នំពេញ នៅថ្ងៃទី១០មេសាឆ្នាំ២០១៨

សូមបញ្ជាក់ថា ខ្សែរថភ្លើងពីស្ថានីយភ្នំពេញ ទៅកាន់ព្រលានយន្តហោះអន្តរជាតិភ្នំពេញ ត្រូវបានដាក់ឲ្យដំណើរការ នាព្រឹកថ្ងៃទី១០ ខែមេសា ឆ្នាំ២០១៨ ហើយរត់ដោយរថភ្លើងដែលមានស្រាប់។ ខណៈរថភ្លើងថ្មីចំនួន ៣គ្រឿង នឹងត្រូវបញ្ជូនមកដល់កម្ពុជា ក្នុងរយៈពេលពីរខែទៀត ហើយនឹងត្រូវដាក់ឲ្យដំណើរការនាខែមិថុនា ខាងមុខនេះ។

រថភ្លើងថ្មីទាំង៣គ្រឿង ចំណាយពេលត្រឹមតែ ២៥នាទីប៉ុណ្ណោះ ដើម្បីធ្វើដំណើរទៅមក ស្ថានីយភ្នំពេញ-ព្រលានយន្តហោះអន្តរជាតិនំពេញ លើចម្ងាយផ្លូវ ១០គីឡូម៉ែត្រ៕

អត្ថបទ៖ លាភ.