អាមេរិក បញ្ជូនក្រុមនាវាដឹកយន្តហោះ Truman ទៅតំបន់មជ្ឈិមបូព៌ា
- 2018-04-11 02:27:51
- ចំនួនមតិ 0 | ចំនួនចែករំលែក 0
អាមេរិក បញ្ជូនក្រុមនាវាដឹកយន្តហោះ Truman ទៅតំបន់មជ្ឈិមបូព៌ា
ចន្លោះមិនឃើញ
សហរដ្ឋអាមេរិក នៅថ្ងៃទី១១ ខែមេសា ២០១៨ នឹងបញ្ជូននាវាដឹកយន្តហោះ Truman រួមជាមួយនាវាចម្បាំងចំនួន ៧ទៀត ទៅតំបន់មជ្ឈិមបូព៌ា និងសហភាពអឺរ៉ុប ដែលក្រុមនាវាផ្ទុកយន្តហោះនេះ មានកងទ័ពសរុបចំនួន ៦៥០០នាក់។ នេះបើតាមការបញ្ជាក់របស់កងទ័ពជើងទឹកអាមេរិក។
ការបញ្ជូនក្រុមនាវាផ្ទុកយន្តហោះទៅតំបន់មជ្ឈិមបូព៌ានេះ គឺក្រោយសេតវិមានគំរាមប្រើចំណាត់ការយោធាលើប្រទេសស៊ីរី ដែលបានប្រើប្រាស់អាវុធគីមីសម្លាប់ប្រជាពលរដ្ឋរាប់សិបនាក់ កាលពីចុងសប្ដាហ៍មុន។
ការបញ្ជូនក្រុមនាវាផ្ទុកយន្តហោះ Truman នេះ ក៏ក្នុងគោលបំណងធ្វើការផ្លាស់ប្ដូរជាមួយក្រុមនាវាផ្ទុកយន្តហោះ USS Theodore Roosevelt ដែលបានធ្វើបេសកកម្មរយៈពេល ៤ខែមកហើយនៅក្នុងតំបន់មជ្ឈិមបូព៌ានេះ៕