ថៃកំណត់តំបន់២ជាកន្លែងត្រូវប្រុងប្រយ័ត្នខ្លាំង ហើយចេញវិធានការតឹងរ៉ឹងដើម្បីទប់ស្កាត់

2018-04-13 02:42:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ថិតនៅក្នុងឱកាសប្រារព្ធពិធីបុណ្យសង្ក្រាន្តឆ្នាំថ្មី ប៉ូលិសថៃបានកំណត់យកតំបន់ចំនួន២ សម្រាប់ឃ្លាំមើលយ៉ាងប្រុងប្រយ័ត្ន ព្រោះកន្លែងទាំង២នោះប្រមូលផ្ដុំទៅដោយទេសចរជាច្រើន ហើយល្បីខាងបង្កភាពរញ៉េរញ៉ៃខ្លាំង។ តំបន់ទាំង២នៅក្រុងបាងកកនោះមានដូចជា សង្កាត់ Silmon និងវិថី Khao San។

ដើម្បីរៀបចំសណ្ដាប់ធ្នាប់ឲ្យមានភាពល្អប្រសើរ ប៉ូលិសក្រុងបាងកក បានប្រកាសចេញនូវការអនុវត្តច្បាប់តឹងរ៉ឹងមួយចំនួនដូចជា៖

ការបៀតបៀនកេរខ្មាស ឬផ្លូវភេទ នឹងអាចជាប់ពន្ធនាគាររហូតដល់ ១០ឆ្នាំ និងពិន័យជាប្រាក់ដល់ ២០ម៉ឺនបាត (ជិត ២៦លានរៀល)
ការស្លៀកពាក់លេចលើលេចក្រោម នឹងរងពិន័យរហូតដល់ ៥ពាន់បាត (៦៤ម៉ឺនរៀល)
ការប្រើកាំភ្លើងបាញ់ទឹកមានសម្ពាធខ្លាំង នឹងអាចជាប់ពន្ធនាគារដល់ ៦ខែ និងពិន័យជាប្រាក់ដល់ ៥ម៉ឺនបាត (៦,៤លានរៀល)

សូមបញ្ជាក់ថា ជាទូទៅ ម៉ោងដែលប្រជាពលរដ្ឋ ក៏ដូចជាទេសចរចាប់ផ្ដើមលេងកម្សាន្តនៅសង្កាត់ Silmon និងផ្លូវ Khao San គឺចន្លោះពីម៉ោង១០ព្រឹក ដល់ម៉ោង៩យប់ នៅអំឡុងពេលប្រារព្ធសង្ក្រាន្តឆ្នាំថ្មី៕

ប្រភព៖ Bangkokpost ប្រែសម្រួល៖ ឈាង.