កម្ពុជា បន្តដាក់បញ្ចូលប្រាសាទដទៃទៀត ជាសម្បត្តិបេតិកភណ្ឌពិភពលោក

2018-04-14 12:03:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កម្ពុជា ប្ដេជ្ញាបន្តដាក់បញ្ចូលប្រាសាទដទៃទៀតជាសម្បត្តិបេតិកភណ្ឌពិភពលោក បន្ទាប់ពីប្រាសាទ៣ ដែលបានដាក់បញ្ចូលរួចរាល់ គឺប្រាសាទអង្គរវត្ត ប្រាសាទព្រះវិហារ និងប្រាសាទសំបូរព្រៃគុក។ នេះបើតាមការបញ្ជាក់ពីសម្ដេចនាយករដ្ឋមន្ត្រី ហ៊ុន សែន។

ក្រៅពីប្ដេជ្ញាដាក់បញ្ចូលប្រាសាទផ្សេងទៀតជាសម្បត្តិបេតិកភណ្ឌពិភពលោក ប្រមុខដឹកនាំរាជរដ្ឋាភិបាលកម្ពុជា សម្ដេចនាយករដ្ឋមន្ត្រី ហ៊ុន សែន បានបានអះអាងថានឹងខិតខំថែរក្សាសម្បត្តិវប្បធម៌ខ្មែរ ដែលបុព្វបុរសខ្មែរសម័យមុន បានបន្សល់ទុករាប់ពាន់តំណរទុកឱ្យកូនចៅជំនាន់ក្រោយ។ ការប្ដេជ្ញារបស់សម្ដេចនេះ ធ្វើឡើងនៅក្នុងពិធីបើកព្រឹត្តិការណ៍អង្គរសង្ក្រាន្ត ឆ្នាំ២០១៨ នៅបរិវេណមុខប្រាសាទបាយ័ន នៃខេត្តសៀមរាប កាលពីព្រឹកថ្ងៃទី១៣ ខែមេសា ឆ្នាំ២០១៨។

សម្ដេចហ៊ុន សែន ថ្លែងនៅក្នុងពិធីបើកព្រឹត្តិការណ៍អង្គរសង្រ្កាន្ត ឆ្នាំ២០១៨

សូមបញ្ជាក់ថា ប្រាសាទរបស់ខ្មែរចំនួន៣ បានដាក់បញ្ចូលជាសម្បត្តិបេតិកភណ្ឌពិភពលោករួចរាល់ រួមមាន ប្រាសាទអង្គរវត្ត បានបញ្ចូលជាសម្បត្តិបេតិកភណ្ឌពិភពលោកនៅថ្ងៃទី១៤ ខែធ្នូ ឆ្នាំ១៩៩២ ប្រាសាទព្រះវិហារ បានបញ្ចូលជាសម្បត្តិបេតិកភណ្ឌពិភពលោកនៅថ្ងៃទី៧ ខែកក្កដា ឆ្នាំ២០០៨ និងប្រាសាទសំបូរព្រៃគុក បានបញ្ចូលជាសម្បត្តិបេតិកភណ្ឌពិភពលោកនៅថ្ងៃទី៨ ខែកក្កដា ឆ្នាំ ២០១៧៕