រដ្ឋមន្រ្តីសេដ្ឋកិច្ច៖ ចំណូលថវិការដ្ឋ កើនឡើងជាងពីរដង ក្នុងរយៈពេល៥ឆ្នាំចុងក្រោយ

2018-04-20 10:10:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកទេសរដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ មានប្រសាសន៍ថា បើគិតពីឆ្នាំ២០១៣ ដល់ឆ្នាំ២០១៨ ចំណូលថវិការរដ្ឋបានកើនឡើងជាងពីរដង ពីប្រមាណ ២២៦៤លានដុល្លារអាម៉េរិក ដល់ប្រមាណ ៤៥៦០លានដុល្លារអាម៉េរិក។

លោកទេសរដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ (ស្ដាំ)

ប្រសាសន៍របស់រដ្ឋមន្រ្តីក្រសួងសេដ្ឋកិច្ច បានធ្វើឡើងក្នុងកិច្ចប្រជុំត្រួតពិនិត្យប្រចាំឆ្នាំ២០១៧ និងការវាយតម្លៃសមិទ្ធផល ៥ឆ្នាំ នៃការអនុវត្តកម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ដែលប្រារព្ធធ្វើឡើងនៅថ្ងៃទី២០ ខែមេសា ឆ្នាំ២០១៨នេះ។ លោក អូន ព័ន្ធមុនីរ័ត្ន ថ្លែងថា ការកើនឡើងនៃទំហំចំណូលនេះ បានផ្ដល់លទ្ធភាពឲ្យរាជរដ្ឋាភិបាលបង្កើនចំណាយយ៉ាងច្រើន ទៅលើការលើកកម្ពស់គុណភាព និងការពង្រីកវិសាលភាពនៃសាធារណៈទាំងតាមរយៈចំណាយចរន្តថវិកាជាតិ និងតាមរយៈចំណាយវិនិយោគសាធារណៈ ដើម្បីធ្វើឲ្យការផ្ដល់សេវាសាធារណៈមានភាពកាន់តែប្រសើរឡើង និងកាន់តែខិតជិតប្រជាពលរដ្ឋ ដែលជាអ្នកប្រើប្រាស់។

ក្រសួងសេដ្ឋកិច្ច និងហិរញ្ញវត្ថុ

ការកើនឡើងចំណាយសរុបថវិការដ្ឋជិតពីរដងនេះ ក៏បានជំរុញឲ្យចំណាយសរុបរបស់ក្រសួងអប់រំ យុវជន និងកីឡា ត្រូវបានបង្កើនជាងបីដង ចំណាយសរុបរបស់ក្រសួងសុខាភិបាល ត្រូវបានបង្កើនជិតពីរដងកន្លះ ចំណាយសរុបរបស់ក្រសួងកសិកម្ម រុក្ខាប្រមាញ់ និងនេសាទ ត្រូវបានបង្កើនជិតបីដង ហើយចំណាយវិនិយោគផ្ទាល់ដោយហិរញ្ញប្បទានក្នុងប្រទេស ត្រូវបានបង្កើនជិតពីរដងកន្លះ៕