២រឿងសំខាន់ៗ នៅលើទំព័រមុខរបស់កាសែតធំៗព្រឹកថ្ងៃចន្ទនេះ

2018-04-23 02:43:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាសែត Khmer Times

មន្ត្រីដែលខ្ជិលច្រអូស ស្ថិតក្រោមការឃ្លាំមើលៈ សម្តេច ស ខេង ស្នើឱ្យពលរដ្ឋ រាយការណ៍អំពីភាពអសកម្មរបស់អាជ្ញាធរ ៖ រដ្ឋមន្ត្រីក្រសួងមហាផ្ទៃ បានអំពាវនាវឲ្យប្រជាពលរដ្ឋទាំងអស់ រាយការណ៍ពីភាពអសកម្មរបស់អាជ្ញាធរមានសមត្ថកិច្ចនៅថ្នាក់មូលដ្ឋាន ទៅថ្នាក់ជាតិ តាមរយៈបណ្ដាញសង្គម ឬតាមប្រព័ន្ធផ្សព្វផ្សាយនានា ដើម្បីជួយដោះស្រាយឲ្យបានទាន់ពេលវេលា ។

- ហ៊ុន សែនៈ ការរំលាយបក្សប្រឆាំង បានលើកកម្ពស់សេដ្ឋកិច្ច

- រឿងសត្វកន្លាតនៅក្នុងរូបថត X-Ray ត្រូវក្រសួងសុខាភិបាលចេញមុខបកស្រាយ

- ពិនិត្យមើលយ៉ាងជិតដិត ចំពោះឧស្សាហកម្មកាត់ដេរនៅកម្ពុជា

- យុទ្ធសាស្ត្រថ្មី ដើម្បីធ្វើកំណែទម្រង់ថវិកាជាតិត្រូវបានបង្ហាញ

កាសែត រស្មីកម្ពុជា

មេឃស្រឡះហើយ/ សម្តេចតេជោ៖ បន្ទាប់ពីបំបែកសាកសព រឿងរញ៉េរញ៉ៃរលាយអស់ ៖ សម្តេចមានប្រសាសន៍បែបនេះ កាលពីថ្ងៃទី ២២មេសា នៅកោះពេជ្រ។ សម្តចចាប់អារម្មណ៍ថា តាំងពីបក្សសង្គ្រោះជាតិរលាយទៅ ស្ថានភាពក្នុងស្រុកល្អប្រសើរ ស្ថានការណ៍មានភាពធូរស្រាល ហើយមានស្ថិរភាព ពិសេសមុនការបោះឆ្នោតជ្រើសរើសតំណាងរាស្ត្រមកដល់។

- ចិនផ្តល់រថយន្តគ្លីនិក២០គ្រឿង ក្នុងគម្រោង៤០គ្រឿង

- លោកប្តី ដេញប្រពន្ធនិងកូន រើពូកខ្នើយឱ្យដេកក្រៅផ្ទះ

- អាកាសធាតុ ២៣មេសា - ២ឧសភា បាត់ដំបង ប៉ៃលិន បន្ទាយមានជ័យ ឧត្តរមានជ័យ ប្រយ័ត្នរន្ទះនិងខ្យល់

- ខ្មាន់កាំភ្លើងបាញ់នារីម្នាក់របួសកំភួនជើង ក្នុងជម្លោះកណ្តាលរាត្រី រឿងស្រីម្នាក់ហៅបងធម៌ឱ្យជួយ

- ថតកុនខុសបច្ចេកទេស បោះពួយអាក្តាមក្រឡាប់ផ្ងារជើង

កាសែត ភ្នំពេញប៉ុស្តិ៍

លោក ហ៊ុន សែន អំពាវនាវ ឱ្យកម្មករចូលរួមថែរក្សាសន្តិភាព ដើម្បីការពារការងារ ៖ ការអំពាវនាវនេះ ធ្វើឡើងកាលពីម្សិលមិញ នៅចំពោះមុខថ្នាក់ដឹកនាំ សកម្មជនសហជីពជាង ៤ពាន់នាក់ នៅកោះពេជ្រ។

មន្ត្រីបញ្ជាក់ពីការដាក់ពង្រាយកម្លាំងក្នុងពេលបោះឆ្នោតជាតិ ៖ លោក គៀត ច័ន្ទថារិទ្ធ អ្នកនាំពាក្យនគរបាលជាតិ ប្រាប់ភ្នំពេញ ប៉ុស្តិ៍ម្សិលមិញថា កងកម្លាំង៨ម៉ឺននាក់ ដែលគ្រោងដាក់ពង្រាយ ក្នុងអំឡុងពេលបោះឆ្នោតជាតិនោះ មិនមែនដាក់តាមការិយាល័យបោះឆ្នោតទេ។ កម្លាំងទាំងនោះ នឹងប្រចាំការនៅក្នុងឃុំ សង្កាត់ ស្រុក ខណ្ឌ និង សាលាខែត្រ តែប៉ុណ្ណោះ។

- ឆ្នាំថ្មី អ្នកនាង គង់ សុជាតិ ដូរទ្រនំពី MyTV មកហង្សមាស ជុំស្វាមី

ទំព័រមុខរបស់សារព័ត៌មានខ្មែរ នឹងមានផ្សាយជូនរៀងរាល់ព្រឹក ពីថ្ងៃចន្ទដល់ថ្ងៃសុក្រ

អត្ថបទ៖ ឃុត សុខឿន