ទីតាំងបាញ់មីស៊ីលកូរ៉េខាងជើង បានបាក់រលំហើយ!

2018-04-26 02:08:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកវិទ្យាសាស្ត្ររបស់ចិន បានសន្និដ្ឋានថា កន្លែងដែលកូរ៉េខាងជើងយកធ្វើតេស្តសាកល្បងបាញ់មីស៊ីល បានបាក់រលំនៅត្រង់ផ្នែកមួយចំនួនហើយ។ ដូច្នេះទីតាំងនោះនឹងមិនអាចប្រើសម្រាប់បាញ់គ្រាប់មីស៊ីលទៀតឡើយ។

លោក គីម ជុងអ៊ុន និងមន្ត្រីជាន់ខ្ពស់កូរ៉េខាងជើង ពិភាក្សាគ្នាអំពីកម្មវិធីអាវុធនុយក្លេអ៊ែរ នៅឆ្នាំ២០១៧/រូបភាព៖ KCNA

តំបន់ Punggye-ri ត្រូវបានយកទៅធ្វើជាកន្លែងបាញ់គ្រាប់មីស៊ីលចំនួន ៦ដងរួចមកហើយ គិតចាប់តាំងពីឆ្នាំ២០០៦។ ក្រោយការបាញ់ចុងក្រោយនៅខែកញ្ញា ឆ្នាំ២០១៧កន្លងទៅ តំបន់ Punggye-ri បានរងការរញ្ជួយដីក្នុងរយៈចម្ងាយ៨,៤គីឡូម៉ែត្រ បណ្ដាលឲ្យផ្ទៃខាងក្នុងភ្នំរងការបាក់រលំ។

សូមរំលឹកថា កាលពីថ្ងៃទី២១ ខែមេសា ឆ្នាំ២០១៨ មេដឹកនាំកូរ៉េខាងជើងលោក គីម ជុងអ៊ុន បានប្រកាសឈប់បាញ់សាកល្បងមីស៊ីល និងអាវុធនុយក្លេអ៊ែរទៀតហើយ។ បន្ថែមពីនេះ គីម ជុងអ៊ុន បានប្រកាសថា កូរ៉េខាងជើងនឹងបិទទីតាំងសាកល្បងអាវុធនុយក្លេអ៊ែររបស់ខ្លួន ដែលនៅភាគខាងជើងនៃប្រទេស ដើម្បីធានាពីតម្លាភាពក្នុងការបញ្ឈប់ការសាកល្បងនុយក្លេអ៊ែរ៕

ប្រភព៖ BBC ប្រែសម្រួល៖ ឈាង.