គីម ជុងអ៊ុន សុំទោស ស៊ី ជិងពីង ចំពោះឧបទ្ទវហេតុ ដែលបានកើតនៅលើទឹកដីកូរ៉េខាងជើង

2018-04-26 03:06:02
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មេដឹកនាំកូរ៉េខាងជើង គីម ជុងអ៊ុន បានសុំទោសប្រធានាធិបតីចិន ស៊ី ជិនពីង និងប្រជាជនចិន ចំពោះឧបទ្ទវហេតុគ្រោះថ្នាក់ចរាចរណ៍មួយ ដែលបានសម្លាប់ជនជាតិចិន ៣២នាក់ និងរបួសធ្ងន់ ២នាក់ កាលពីដើមសប្ដាហ៍នេះ។ នេះបើតាមការចេញផ្សាយរបស់ទីភ្នាក់ងារសារព័ត៌មានរដ្ឋកូរ៉េខាងជើង នៅថ្ងៃទី២៦ ខែមេសា ២០១៨នេះ។

លោក គីម ជុងអ៊ុន អំឡុងជួបអគ្គរដ្ឋទូតចិនប្រចាំក្រុងព្យុងយ៉ាង

ក្នុងការថ្លែងសារទៅកាន់ប្រធានាធិបតីចិន មេដឹកនាំចិន និងប្រជាជនចិន លោក គីម ជុងអ៊ុន ថា "វាពិតជាគួរឲ្យក្រៀមក្រំណាស់ ដែលមិត្តចិនដ៏ជិតស្និទ្ធ អ្នកដែលមកទីនេះ (កូរ៉េខាងជើង) ជាមួយនឹងអារម្មណ៍មិត្តភាពជាមួយប្រជាជនយើង បានជួបឧបទ្ទវហេតុមួយ នៅលើទឹកដីរបស់យើង... យើងសុំសម្ដែងការសុំទោសចំពោះមិត្តចិន សម្រាប់ភាពឈឺចាប់ ដែលមិនអាចប៉ះប៉ូវវិញដោយត្រឹមតែពាក្យសម្ដី ការលួងលោម ឬសំណងណាមួយបានឡើយ"។

សូមបញ្ជាក់ថា បើតាមវិទ្យាស្ថានស្រាវជ្រាវមួយរបស់កូរ៉េខាងត្បូង បានចេញផ្សាយថា អ្នកទេសចរចិន ដែលទៅកូរ៉េខាងជើង មានរហូត ៨០%នៃអ្នកទេសចរបរទេសសរុប ហើយចំនួនទេសចរចិនប្រមាណ ៨០%នេះ បានផ្ដល់ជាចំណូលដល់កូរ៉េខាងជើងប្រមាណ ៤៤លានដុល្លារក្នុងមួយឆ្នាំៗ។

ប្រទេសចិន បានប្រកាសថា មានជនជាតិចិន ២៣៧ ០០០នាក់ ចូលទៅទស្សនាកម្សាន្តនៅក្នុងប្រទេសកូរ៉េខាងជើង នៅឆ្នាំ២០១២ ប៉ុន្ដែចាប់ពីឆ្នាំ២០១៣ មក ពុំមានរបាយការណ៍ណាមួយត្រូវបានចេញផ្សាយទៀតនោះទេ៕