មេដឹកនាំកូរ៉េទាំង២ ប្រើរថយន្តម៉ាកដូចគ្នាបេះបិទ នៅក្នុងជំនួបជាប្រវត្តិសាស្ត្រ

2018-04-27 07:22:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ថិតនៅក្នុងជំនួបរវាងកូរ៉េខាងត្បូង និងកូរ៉េខាងជើងជាប្រវត្តិសាស្ត្រនាថ្ងៃទី២៧មេសានេះ មេដឹកនាំនៃប្រទេសទាំង២ត្រូវគេសង្កេតឃើញថាបានប្រើរថយន្តដែលមានម៉ាក និងស៊េរីដូចគ្នាបេះបិទតែម្ដង។

បើយោងតាមរូបថតប្រមាញ់បានដោយសារព័ត៌មាន Yonhap បានឲ្យដឹងថា លោក គីម ជុងអ៊ុន មេដឹកនាំកូរ៉េខាងជើង បានជិះរថយន្តម៉ាក Mercedes-Benz S600 Pullman Guard limo ចូលទៅទឹកដីកូរ៉េខាងជើង។ ជាការចៃដន្យ លោក មូន ជេអ៊ីន ដែលជាប្រធានាធិបតីកូរ៉េខាងជើង ក៏បានប្រើរថយន្ត Mercedes-Benz S600 Pullman Guard limoជាមធ្យមធ្វើដំណើរនៅក្នុងកិច្ចប្រជុំនេះផងដែរ។

រថយន្តប្រណីតដែលមេដឹកនាំកូរ៉េទាំង២ជិះ មានតម្លៃប្រមាណជា ៩៣ម៉ឺនដុល្លារ ប្រវែង ៦,៤ម៉ែត្រ អាចការពារគ្រាប់កាំភ្លើង និងគ្រាប់បែកដៃបាន។

សូមជម្រាបថា បើតាមសេចក្ដីរាយការណ៍នាពេលកន្លងមក លោក គីម ជុងអ៊ុន គឺជាអ្នកស្រឡាញ់រថយន្តមួយរូបនឹងគេផងដែរ។ លោកមានប្រភេទរថយន្តទំនើបៗយ៉ាងហោចណាស់ចំនួន ១០០គ្រឿង តម្លៃសរុបប្រហែល ២០លានដុល្លារ៕

ប្រភព៖ Koreaherald ប្រែសម្រួល៖ ឈាង.