ក្រុងរបស់កម្ពុជាចំនួន៣ ត្រូវជ្រើសរើសជាក្រុងសាកល្បងគម្រោងបណ្ដាញក្រុងឆ្លាតវៃអាស៊ាន

2018-04-28 04:13:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អំឡុងកិច្ចប្រជុំកំពូលអាស៊ានលើកទី៣២ នាប្រទេសសិង្ហបុរី កាលពីថ្ងៃទី២៧មេសា ឆ្នាំ២០១៨ មេដឹកនាំនៃបណ្ដាប្រទេសអាស៊ានទាំង១០ បានធ្វើការស្នើជ្រើសរើសទីក្រុងចំនួន ២៦ នៅក្នុងប្រទេសអាស៊ានទាំង១០ ធ្វើជាពីឡុត នៃបណ្ដាញក្រុងឆ្លាតវៃអាស៊ាន (ASCN) ។ ក្នុងនោះ មានទីក្រុងកម្ពុជា ចំនួន៣ គឺ រាជធានីភ្នំពេញ ក្រុងបាត់ដំបង និងក្រុងសៀមរាប។

រូបតំណាងខេត្តបាត់ដំបង និង វិមានឯករាជ្យនៅរាជធានីភ្នំពេញ

យោងតាមឯកសារសម្រេច ប្រទេសអាស៊ានទាំងអស់បានលើកឡើងនូវដំណោះស្រាយផ្នែកបច្ចេកវិទ្យា និងឌីជីថល សម្រាប់អនុវត្តលើបញ្ហាកកស្ទះចរាចរណ៍ ការបំពុលទឹកនិងខ្យល់ ភាពក្រីក្រ កំណើនវិសមភាព ការបែងចែកទីក្រុង-ជនបទ ព្រមទាំងបញ្ហាសន្តិសុខនិងសុវត្ថិភាព។

ឯកសារដដែលបានឲ្យដឹងថា គោលដៅសំខាន់នៃការបង្កើត ASCN គឺដើម្បីលើកកម្ពស់ជីវភាពរស់នៅរបស់ប្រជាជនអាស៊ាន តាមរយៈការប្រើប្រាស់បច្ចេកវិទ្យា។

តំណាងទីក្រុងជាសមាជិក ASCN នឹងត្រូវជួបគ្នាដើម្បីពិនិត្យលើសេចក្ដីព្រាងមួយនៅខែក្រោយ។ គោលដៅនៃជំនួបនេះ ជាការគាំទ្រដល់កិច្ចប្រជុំ ASCN លើកដំបូងនៅក្នុងខែកក្កដា និងការសម្រេចអនុម័តនៅក្នុងកិច្ចប្រជុំកំពូលអាស៊ានលើកទី៣៣ នៅក្នុងខែវិច្ឆិកា ឆ្នាំ២០១៨ខាងមុខ។