ទីតាំងលក់ប្រហិតសាច់គោ និងនំប៉័ងបំពង ដ៏ល្បី១នៅខេត្តបាត់ដំបង
- 2018-04-29 07:53:12
- ចំនួនមតិ 0 | ចំនួនចែករំលែក 0
ទីតាំងលក់ប្រហិតសាច់គោ និងនំប៉័ងបំពង ដ៏ល្បី១នៅខេត្តបាត់ដំបង
ចន្លោះមិនឃើញ
ក្រុមការងារផ្លូវទៅស្រុកវគ្គ២ សូមណែនាំកន្លែងលក់ប្រហិតសាច់គោ និងនំប៉័ងបំពងដ៏ល្បីល្បាញ១នៅក្នុងខេត្តបាត់ដំបង ហើយរកចំណូលបានច្រើនគួរសម។ ខាងក្រោមនេះ គឺជារូបភាព អមដោយការរៀបរាប់ត្រួសៗ នៃមុខរបរប្រចាំថ្ងៃរបស់អ្នកស្រី ហ៊ុំ មនី អ្នកលក់ប្រហិតសាច់គោ នៅបាត់ដំបង។
១. អ្នកស្រី ហ៊ុំ មនី ហៅចែម៉ី អាយុ៣៧ ឆ្នាំ គឺជាអ្នកលក់ប្រហិតសាច់គោ ដ៏ល្បីឈ្មោះ នៅក្រុងបាត់ដំបង។ បច្ចុប្បន្ន បងស្រី ហ៊ុំ មនី រស់នៅក្នុងភូមិទួលតាឯក សង្កាត់ទួលតាឯក ក្រុងបាត់ដំបង។ ដោយបន្តមុខរបរពីឪពុកម្ដាយ អ្នកស្រីចាប់ផ្ដើមធ្វើប្រហិតសាច់គោដោយខ្លួនឯង នៅឆ្នាំ ២០០០។
២. នេះគឺជារទេះលក់ប្រហិតសាច់គោ របស់អ្នកស្រី ហ៊ុំ មនី។ បន្ទាប់ពី ធ្វើប្រហិតសាច់គោរួចរាល់ហើយ អ្នកស្រី ដឹកប្រហិតមកបំពងលក់ នៅជាប់របងសាលាចិន ក្នុងក្រុងបាត់ដំបង។ ការលក់ប្រហិត ចាប់ផ្ដើមពីម៉ោង៣ រសៀល រហូតដល់ម៉ោង ៨យប់។
៣. ប្អូនបង្កើតរបស់អ្នកស្រី ហ៊ុំ មនី ហៅចែម៉ី កំពុងកាត់នំប៉័ងបំពងជាកំណាត់ៗដាក់ ក្នុងប្រអប់ក្រដាសឱ្យអតិថិជន។ ក្រៅពីលក់ប្រហិតសាច់គោបំពង ហាងចែម៉ីលក់ប្រហិត ក៏មានលក់នំប៉័ងបំពងផងដែរ។
៤. ចំណុចសំខាន់មួយទៀត នៃការលក់ប្រហិតសាច់គោនេះ គឺទឹកជ្រលក់។ អ្នកស្រីហ៊ុំ មនី បានផលិតដោយខ្លួនឯងនូវទឹកជ្រលក់ឆ្ងាញ់ ២ប្រភេទគឺ ទឹកម្ទេស និង ទឹកសណ្ដែកដី។ អតិថិជន អាចទិញទឹកជ្រលក់ទាំង២ប្រភេទនេះទៅលក់បន្តបាន តែមិនទិញប្រហិតសាច់គោទៅលក់បន្តបានទេ។
៦. តម្រូវការប្រហិតសាច់គោប្រចាំថ្ងៃ មានការឡើងចុះ មិនទៀងទាត់។ ជាការប៉ាន់ស្មានក្នុងមួយថ្ងៃ បងស្រីត្រូវការសាច់គោចន្លោះពី ៤០ ទៅ ១០០គីឡូក្រាម ដើម្បីផលិតជាប្រហិត។ ជាមួយគ្នានេះដែរ ក្នុងមួយថ្ងៃ បងស្រីត្រូវការនំប៉័ងពី ៣០០ ទៅ ៧០០ដើម ដើម្បីបំពងលក់ឱ្យអតិថិជន ដែលមានទាំងជនជាតិខ្មែរ និងបរទេស៕