ចិន បំបែកកំណត់ត្រាថ្មី លើវិញ្ញាសាបង្ហោះដ្រូនដំណាលគ្នាច្រើនជាងគេលើលោក

2018-05-03 06:33:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កាលពីយប់ថ្ងៃទី២៩ មេសា ឆ្នាំ២០១៨ ដ្រូនចំនួន ១៣៧៤ គ្រឿង ដែលត្រូវបានបង្ហោះដំណាលគ្នាពីលើជញ្ជាំងក្រុងបុរាណចិនស៊ីអាន បានបំបែកកំណាត់ត្រាពិភពលោកថ្មី ក្រោមចំណងជើង "ការបង្ហោះយានគ្មានមនុស្សបើកច្រើនជាងគេបំផុតក្នុងពេលដំណាលគ្នា"។

រូបភាព៖ CGTN

ការបង្ហោះដ្រូនដំណាលគ្នាដ៏ច្រើននៅប្រទេសចិននេះ បានបំបែកកំណាត់ត្រាពិភពលោកចាស់ ដែលបានបង្ហោះដ្រូនដំណាលគ្នាចំនួន ១២១៨ គ្រឿង កាលពីកម្មវិធីកីឡាអូឡាំពិករដូវរងា ក្នុងក្រុងPyeongChang នៅប្រទេសកូរ៉េខាងត្បូង។

អំឡុងពេល១៣នាទីនៃការបង្ហាញនេះ ដ្រូនទាំង ១៣៧៤ គ្រឿងនេះ បានហោះឡើងដំណាលគ្នាពីលើជញ្ជាំងក្រុងបុរាណស៊ីអាន ដែលបានបង្កើតជាទិដ្ឋភាពពន្លឺដ៏ធំអស្ចារ្យ ប្រវែងជាង១២០០ម៉ែត្រ និងបណ្ដោយជាង១០០ម៉ែត្រ។ ហើយការបង្ហាញនេះ ត្រូវបានគេមើលឃើញក្នុងរយៈកម្ពស់ ២៦០ ម៉ែត្រពីលើជញ្ជាំងក្រុង។

យ៉ាងណាមិញ ទម្រង់ចំនួន ១៦ បែប និងនិមិត្តសញ្ញាប្រពៃណីរបស់ចិន រួមមានដូចជា ជញ្ជាំងក្រុងបុរាណស៊ីអាន និងផ្លូវសូត្រ ត្រូវបានបង្កើតដោយការបង្ហោះដ្រូនផ្គុំគ្នាអំឡុងពិធីនោះ។

គួរបញ្ជាក់ថា ក្រុមហ៊ុនផលិតដ្រូនចិន EHANG Egret ជាអ្នកផ្ដល់ដ្រូនទាំងអស់ ដែលបានបង្ហោះក្នុងពិធីនេះ៕

សូមទស្សនាវីដេអូខាងក្រោម៖

A record-breaking fleet of 1,374 drones dance over the City Wall of Xi’an, in NW China’s Shaanxi Province last Sunday, setting a new Guinness World Record pic.twitter.com/0OFvE157VU
— CGTN (@CGTNOfficial) May 2, 2018

ប្រភព៖ CGTN ប្រែសម្រួល៖ អឹុម ម៉េងស៊ាង