រឿងអាថ៌កំបាំង១ត្រូវបានប្រទះឃើញ អំឡុងពេលធ្វើបេសកកម្មរុករកយន្តហោះ MH370

2018-05-04 00:26:47
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អស់រយៈពេលជាង៤ឆ្នាំមកហើយដែលយន្តហោះម៉ាឡេស៊ីអ៊ែឡាញ MH370 បានបាត់ស្រមោលរកពុំទាន់ឃើញតម្រុយអ្វីសោះ។ នៅអំឡុងពេលធ្វើបេសកកម្មរុករកយន្តហោះដែលបានបាត់ខ្លួននេះ ក្រុមអ្នកស្រាវជ្រាវបានរកឃើញបំណែកដ៏ធំ២នៅក្នុងបាតសមុទ្រឥណ្ឌា កាលពីខែឧសភា និងខែធ្នូ ឆ្នាំ២០១៥។ ១នៅក្នុងចំណោមនោះត្រូវគេជឿជាក់ថាជាបំណែកនៃយន្តហោះ MH370 ដែលបានធ្លាក់ចូលសមុទ្រកាលពីខែមីនា ឆ្នាំ២០១៤។ យ៉ាងណាមិញ ការសន្និដ្ឋាននេះបែរជាខុសស្រឡះទៅវិញ។

បើតាមការវិភាគថ្មីមួយធ្វើឡើងដោយអ្នកវិទ្យាសាស្ត្រនៅសារមន្ទីរ Western Australian បានបង្ហាញឲ្យដឹងកាលពីថ្ងៃទី៣ ខែឧសភា ឆ្នាំ២០១៨នេះថា បំណែកដែលរកឃើញនៅក្នុងបេសកកម្មរុករក MH370 គឺជាបំណែកនៃនាវាចំនួន២គ្រឿង មិនមែនជាយន្តហោះនោះទេ។ អ្នកជំនាញបានរៀបរាប់ថា នាវាទាំង២គ្រឿងមាន១ធ្វើពីឈើ និង១ទៀតធ្វើពីដែក ហើយពួកវាបានបាត់ខ្លួនកាលពី១៤០ឆ្នាំ ដោយពុំមានអ្នករកឃើញនោះឡើយ។ បើតាមប្រភពដដែលបានឲ្យដឹងទៀតថា នាវាទាំងនោះទំនងជាត្រូវគេប្រើសម្រាប់ដឹកជញ្ជូនធ្យូងថ្ម។

ប្រភព៖ Independent | Newsweek ប្រែសម្រួល៖ ឈាង.