ស្ពានដែកបាឡេឆ្លងកាត់ទន្លេសាប នឹងត្រូវដាក់ឱ្យដំណើរការនៅសប្តាហ៍ក្រោយ

2018-05-05 16:27:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ដំណើរការសាងសង់ស្ពានដែកបាឡេឫស្សីកែវ បានមកដល់ទីបញ្ចប់ហើយនៅថ្ងៃទី០៥ ខែឧសភា ឆ្នាំ២០១៨នេះ។ នេះបើតាមការឱ្យដឹងរបស់មន្ទីរសាធារណៈការ និងដឹកជញ្ជូន រាជធានីភ្នំពេញ។

បច្ចុប្បន្ន ក្រុមការងារសាងសង់កំពុងសាកល្បងធ្វើតេស្តសមត្ថភាពទ្រទម្ងន់របស់ស្ពាន ដើម្បីធានាសុវត្ថិភាពនៃការធ្វើចរាចរណ៍។ ក្រុមការងារក៏ កំពុងដំឡើងស្លាកសញ្ញា និងភ្លើងសញ្ញាចរាចរណ៍ ព្រមទាំងលាបគំនូសចរាចរណ៍នៅចំណុចប្រសព្វរវាងផ្លូវជាតិលេខ ៥ និងស្ពានដែកបេឡេឫស្សីកែវ នេះផងដែរ។

លោក សាំ ពិសិដ្ឋិ ប្រធានមន្ទីរសាធារណៈការ និងដឹកជញ្ជូន រាជធានីភ្នំពេញ និងក្រុមការងារកំពុងត្រួតពិនិត្យស្ពាន កាលពីព្រឹកមិញ។ (រូបថត៖ មន្ទីរសាធារណៈការ និងដឹកជញ្ជូន រាជធានីភ្នំពេញ)

ស្ពានបាឡេប្ញស្សីកែវនេះ នឹងត្រូវដាក់ឱ្យដំណើរការធ្វើចរាចរណ៍ នៅដើមសប្តាហ៍ក្រោយ ដើម្បីសម្រួលដល់ប្រជាពលរដ្ឋដែលត្រូវធ្វើដំណើរឆ្លងទៅមកកាត់តាមទន្លេសាប ពីផ្លូវជាតិលេខ៥ ក្នុងខណ្ឌប្ញស្សីកែវ និងផ្លូវជាតិលេខ៦ ក្នុងខណ្ឌជ្រោយចង្វារ។ ជាមួយគ្នានេះផងដែរ ស្ពាននេះនឹងជួយបម្រើការងារ ការដ្ឋានសាងសង់ស្ពានបេតុងអាមេ និងជួយសម្រួលចរាចរណ៍នៅស្ពានជ្រោយចង្វារចាស់ ដែលកំពុងដំណើរការជួសជុល។

ស្ពានដែកបាឡេឫស្សីកែវ (រូបថត៖ មន្ទីរសាធារណៈការ និងដឹកជញ្ជូន រាជធានីភ្នំពេញ)

គួរបញ្ជាក់ដែរថា ស្ពានដែកបាឡេនេះមានប្រវែងប្រមាណជាង៥០០ម៉ែត្រ ទទឹង១២ម៉ែត្រ តភ្ជាប់ពីខណ្ឌឫស្សីកែវ មកខណ្ឌជ្រោយចង្វារ។ ការសាងសង់ ស្ពានដែកនេះ ត្រូវចំណាយថវិកា ចំនួន៩លានដុល្លារ ប្រើពេលសាងសង់៦ខែ៕

សោភា