រដ្ឋាភិបាលថៃ រៀបចំបង្កើតក្រុមសន្តិសុខអ៊ីនធឺណិតចំនួន ៥ពាន់នាក់

2018-05-11 09:44:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋាភិបាលថៃគ្រោងបង្កើតក្រុមមន្ត្រីសន្តិសុខលើប្រព័ន្ធអ៊ីនធឺណិត ចំនួន ៥ពាន់នាក់ នៅក្នុងរយៈពេល ៥ឆ្នាំ ដើម្បីពិនិត្យមើលសកម្មភាពរបស់សាធារណជនលើប្រព័ន្ធអនឡាញ។ នេះបើតាមការបញ្ជាក់របស់រដ្ឋមន្ត្រីក្រសួងមហាផ្ទៃថៃ Prajin Jantong កាលពីថ្ងៃទី១០ ខែឧសភា ២០១៨ ម្សិលមិញ។

លោក Prajin Jantong រដ្ឋមន្ត្រីក្រសួងមហាផ្ទៃថៃ Prajin Jantong

លោករដ្ឋមន្រ្ដីដដែលបញ្ជាក់ថា ប្រទេសថៃកំពុងស្ថិតនៅក្នុងភាពត្រូវការចាំបាច់នូវអាជ្ញាធរមួយ សម្រាប់គ្រប់គ្រងអ្វីដែលសាធារណជន ធ្វើនៅលើប្រព័ន្ធអនឡាញ។

លោករដ្ឋមន្រ្ដីដដែលបន្ថែមទៀតថា សម្រាប់ជំហានដំបូង គឺនៅខែមិថុនា ខាងមុខ ក្រុមសន្ដិសុខលើប្រព័ន្ធអ៊ីនធឺណិត ២០០នាក់ នឹងត្រូវបង្កើតឡើង ដោយមានការសហការគ្នាពីក្រសួងសេដ្ឋកិច្ច និងសង្គមឌីជីថល ប៉ូលិសថៃ និងគណៈកម្មការទូរគមនាគមន៍របស់ថៃ៕

ប្រភព៖ Khaosod English ប្រែសម្រួល៖ វាសនា