ស្លាប់ និងរបួសរាប់ពាន់នាក់ ក្នុងការប៉ះទង្គិចគ្នារវាងកងទ័ពអ៊ីស្រាអែល និងជនជាតិប៉ាឡេស្ទីន
- 2018-05-15 01:49:12
- ចំនួនមតិ 0 | ចំនួនចែករំលែក 0
ស្លាប់ និងរបួសរាប់ពាន់នាក់ ក្នុងការប៉ះទង្គិចគ្នារវាងកងទ័ពអ៊ីស្រាអែល និងជនជាតិប៉ាឡេស្ទីន
ចន្លោះមិនឃើញ
យ៉ាងហោចណាស់ ជនជាតិប៉ាឡេស្ទីន ៥៨នាក់បានស្លាប់ និងជាង ២៧០០នាក់បានរងរបួស ដោយសារកងទ័ពអ៊ីស្រាអែលបានបើកការបាញ់រះគ្រាប់កាំភ្លើង ឧស្ម័នបង្ហូរទឹកភ្នែក និងគ្រាប់បែកភ្លើង ដាក់លើក្រុមអ្នកតវ៉ា ដែលបានប្រមូលផ្ដុំជាច្រើនទីតាំង កាលពិថ្ងៃទី១៤ ខែឧសភា ២០១៨ ម្សិលមិញ។
ការប្រមូលផ្ដុំតវ៉ារបស់ជនជាតិប៉ាឡេស្ទីន គឺដើម្បីប្រឆាំងនឹងការបើកស្ថានទូតសហរដ្ឋអាមេរិកប្រចាំនៅក្រុង Jerusalem កាលពីថ្ងៃចន្ទ ម្សិលមិញ ដែលក្នុងនោះ ក៏មានគណៈប្រតិភូដែលមកពីក្រុងវ៉ាស៊ីនតោន មកចូលរួមផងដែរ។
សូមបញ្ជាក់ថា ចាប់តាំងពីថ្ងៃទី៣០ ខែមីនា ២០១៨ កងកម្លាំងអ៊ីស្រាអែលបានសម្លាប់ជនជាតិប៉ាឡេស្ទីន ១០៧នាក់ និងធ្វើឲ្យរបួសចំនួនប្រមាណ ១២០០០នាក់៕