ស្ពានវែងជាងគេនៅអឺរ៉ុប ត្រូវបានសម្ពោធជាផ្លូវការហើយ

2018-05-16 03:54:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ស្ពានភ្ជាប់ពីរុស្ស៊ី ទៅកាន់តំបន់គ្រីមា ត្រូវបានសម្ពោធជាផ្លូវការហើយកាលពីថ្ងៃទី១៥ ខែឧសភា ឆ្នាំ២០១៨ ដោយមានការចូលរួមពីលោកប្រធានាធិបតីរុស្ស៊ី វ្លាឌីមៀ ពូទីន។ ស្ពាននេះមានប្រវែង ១៩គីឡូម៉ែត្រ បានក្លាយជាស្ពានដ៏វែងជាងគេបំផុតនៅអឺរ៉ុប។

ស្ពានភ្ជាប់ពីរុស្ស៊ី ទៅកាន់តំបន់គ្រីមា

ស្ពាននេះត្រូវបានសាងសង់រួចរាល់ ៦ខែមុនកាលកំណត់ ដោយចំណាយថវិកាប្រមាណ ៣,៧ពាន់ដុល្លារ។ នេះជាស្ពានតែ១គត់ ដែលតភ្ជាប់ពីរុស្ស៊ី ទៅកាន់តំបន់គ្រីមា នាពេលបច្ចុប្បន្ន ដោយនៅពេលមិនទាន់មានស្ពាននេះ ការធ្វើដំណើរទៅវិញទៅមក គឺមានតែតាមផ្លូវទឹក ពោលគឺឆ្លងតាមស្រឡាងតែប៉ុណ្ណោះ។

ភ្នាក់ងារសារព័ត៌មានរដ្ឋរុស្ស៊ី បានហៅស្ពាននេះថា "សំណង់ប្រចាំសតវត្ស" ។ ស្ពាននេះ ត្រូវបានរាយការណ៍ថា អាចទទួលការធ្វើចរាចរណ៍របស់រថយន្តដល់ ៤ម៉ឺនគ្រឿងក្នុង១ថ្ងៃ។

សូមបញ្ជាក់ថា ការសាងសង់ស្ពាននេះ គឺក្រោយពេលដែលរុស្ស៊ី បានដាក់បញ្ចូលតំបន់គ្រីមា ជាឧបសម្ព័ន្ធពោលគឺជាផ្នែក១របស់ខ្លួន កាលពីខែមីនា ឆ្នាំ២០១៤៕