បេក្ខជនម្នាក់មានសង្ឃឹម៩០% ក្នុងការចូលដឹកនាំ Arsenal

2018-05-16 03:36:46
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមវេបសាយ Dailymail របស់អង់គ្លេសបានឲ្យដឹងកាលពីថ្ងៃទី១៥ឧសភាថា ថ្នាំដឹកនាំជាន់ខ្ពស់របស់ក្លឹបកាំភ្លើងធំ Arsenal នឹងជ្រើសរើសលោក Mikel Arteta ដើម្បីជំនួសតំណែងលោក Arsene Wenger ដែលបានសម្រេចចិត្តលាឈប់ នៅចុងរដូវកាលនេះ។ កីឡាករ Arsenal ត្រូវបានជូនដំណឹងជាមុនថា ៩០% លោក Arteta នឹងក្លាយជាអ្នកចាត់ការទូទៅថ្មីរបស់ពួកគេ។

អតីតកីឡាករបស់ Arsenal លោក Mikel Arteta គឺជាបេក្ខភាពទី១ ក្នុងបញ្ជីក្លាយជាអ្នកចាត់ការទូទៅថ្មីរបស់ Arsenal (រូបថត៖ PA)

បុរសសញ្ជាតិអេស្ប៉ាញ ដែលធ្វើជាជំនួយការរបស់គ្រូបង្វឹក Pep Guardiola នៅក្លឹប Manchester City រយៈពេល ២រដូវកាល គឺជាបេក្ខភាពទីមួយក្នុងបញ្ជីរបស់លោក Ivan Gazidis នាយកប្រតិបត្តិក្លឹប និងលោកនាយក Josh Kroenke កូនប្រុសម្ចាស់ក្លឹប Arsenal ។

ប្រភពខាងលើបានបញ្ជាក់ថា បេក្ខភាពដទៃទៀត ដូចជាលោក Max Allegri (ដឹកនាំ Juventus), Luis Enrique (ទំនេរ) និងលោក Joachim Low (ដឹកនាំក្រុមជម្រើសជាតិអាល្លឺម៉ង់) ត្រូវបានជម្រុះចេញពីបញ្ជីបេក្ខភាពអ្នកចាត់ការ Arsenal ហើយ។

សូមបញ្ជាក់ថា Arsenal ត្រូវបានរាយការណ៍ថា នឹងតែងតាំងអ្នកចាត់ការថ្មីរបស់ខ្លួន មុនព្រឹត្តិការណ៍ FIFA World Cup នៅប្រទេសរុស្ស៊ី នាខែក្រោយ៕

អត្ថបទ៖ លាភ.