ចេញដំណើរមុន ២៥វិនាទី ក្រុមហ៊ុនរថភ្លើងមួយចេញលិខិតសុំទោសអតិថិជនជាផ្លូវការ

2018-05-16 06:12:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុនរថភ្លើង West Japan Railway របស់ប្រទេសជប៉ុន បានចេញលិខិតសុំទោសជាផ្លូវការមួយ ក្រោយខ្សែរថភ្លើងមួយរបស់ពួកគេ បានចេញដំណើរមុនម៉ោងកំណត់ចំនួន ២៥វិនាទី កាលពីថ្ងៃទី១១ ខែឧសភា ២០១៨ កន្លងទៅ។

ការសុំទោសនោះ គឺក្រោយរថភ្លើងដែលចេញពីស្ថានីយនៅតំបន់ Notogawa បានចាកចេញនៅម៉ោង ៧:១១:៣៥ មុនម៉ោងកំណត់ នៅម៉ោង ៧:១២នាទី។ ប៉ុន្តែការចាកចេញមុនម៉ោងកំណត់នេះ មិនបានប៉ះពាល់ដល់អ្នកដំណើរច្រើននោះទេ គឺធ្វើឲ្យតែអ្នកដំណើរម្នាក់ខកជើងរថភ្លើងប៉ុណ្ណោះ។

ក្នុងលិខិតសុំទោសរបស់ក្រុមហ៊ុនរថភ្លើងបញ្ជាក់ថា "យើងបានធ្វើឲ្យប៉ះពាល់អតិថិជនរបស់យើងយ៉ាងខ្លាំង ហើយយើងនឹងខិតខំការពារមិនឲ្យមានករណីនេះ កើតឡើងម្ដងទៀតនោះទេ"៕

ប្រភព៖ Businessinsider ប្រែសម្រួល៖ វាសនា

ពាក្យទាក់ទង

ព័ត៌មានសង្គមអន្តរជាតិ ជប៉ុន វាសនា

ភ្ជាប់ទំនាក់ទំនងជាមួយ