វៀតណាម វិនិយោគជិត១៣០លានដុល្លារ នៅក្រៅប្រទេស ក្នុង៤ខែដើមឆ្នាំ២០១៨

2018-05-16 06:54:15
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុនរបស់វៀតណាម បានបោះទុនវិនិយោគក្នុងទំហំទឹកប្រាក់ ១២៩លានដុល្លារអាមេរិក លើ ៣៤គម្រោងនៅក្រៅប្រទេស ដោយគិតចាប់ពីខែមករា ដល់ ខែមេសា ឆ្នាំ២០១៨។ នេះបើតាមទិន្នន័យរបស់ក្រសួងផែនការ និងវិនិយោគវៀតណាម។

ក្រុមហ៊ុនទូរសព្ទចល័ត Metfone របស់ក្រុមហ៊ុន Viettel នៅកម្ពុជា (រូបថត៖ BigReview)

ក្នុងអំឡុងពេល ៤ខែនេះ វៀតណាមបានវិនិយោគនៅ ១៩ប្រទេស និងតំបន់។ ក្នុងនោះ ឡាវ ឈរលេខ១ ដោយទទួលបានការវិនិយោគរបស់វៀតណាមចំនួនជាង ៨០លានដុល្លារអាមេរិក។ កម្ពុជា ស្ថិតនៅលេខ២ មានជិត ២៦លានដុល្លារ និង គុយបា មានជិត ២០លានដុល្លារ។

វៀតណាម វិនិយោគច្រើនជាងគេលើវិស័យហិរញ្ញវត្ថុ និងធនាគារ ចំនួន ១០៥លានដុល្លារ ស្មើនឹងជាង ៦៨% នៃទំហំទឹកប្រាក់វិនិយោគក្រៅប្រទេសសរុប។ ចំណែក វិស័យឧស្សាហកម្ម ឈរលេខ២ ដោយមានចំណែកជាង ១៣% តាមពីក្រោយដោយវិស័យលក់រាយនិងលក់ដុំ ព្រមទាំងវិស័យផ្សេងៗទៀត៕

ប្រភព៖ Vietnam News ប្រែសម្រួល៖ លាភ.