អនុប្រធានាធិបតីអាមេរិកប្រាប់លោក គីម ជុងអ៊ុន ថាកុំចង់លេងជាមួយ ដូណាល់ ត្រាំ

2018-05-22 03:08:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Mike Pence អនុប្រធានាធិបតីអាមេរិក បានថ្លែងថា "វាជាកំហុសដ៏ធំមួយប្រសិនបើ លោក គីម ជុងអ៊ុន គិតថា លោកអាចលេងសើចជាមួយ ដូណាល់ ត្រាំ បាននោះ" ។ លោកថា ប្រធានាធិបតីអាមេរិក អាចនឹងលុបចោលកិច្ចប្រជុំកំពូលរបស់ភាគីទាំងពីរ ប្រសិនបើមេដឹកនាំកូរ៉េខាងជើង ធ្វើដូច្នេះ។

ការថ្លែងរបស់អនុប្រធានាធិបតីអាមេរិកក្នុងកិច្ចសម្ភាសជាមួយសារព័ត៌មាន Fox News នេះ ត្រូវបានធ្វើឡើងមុនជំនួបកំពូលរវាងលោក គីម ជុងអ៊ុន និងលោក ដូណាល់ ត្រាំ នាថ្ងៃទី១២ ខែមិថុនា នៅប្រទេសសិង្ហបុរី។

លោក Mike Pence អនុប្រធានាធិបតីអាមេរិក ថា "វាជាកំហុសដ៏ធំមួយប្រសិនបើ លោក គីម ជុងអ៊ុន គិតថា លោកអាចលេងសើចជាមួយ ដូណាល់ ត្រាំ បាននោះ" (រូបថត៖ BBC)

សូមរំឭកថា កូរ៉េខាងជើង ធ្លាប់គំរាមដកខ្លួនពីកិច្ចប្រជុំខាងលើ បន្ទាប់ពីទីប្រឹក្សាសន្តិសុខជាតិអាមេរិកលោក John Bolton បានមានប្រសាសន៍ថា អាមេរិកនឹងយកគំរូតាមការលុបបំបាត់កម្មវិធីនុយក្លេអ៊ែរនៅលីប៊ី សម្រាប់អនុវត្តទៅលើកូរ៉េខាងជើង។ អតីតមេដឹកនាំលីប៊ីលោក Muammar Gaddafi កាលពីឆ្នាំ២០០៣ បានយល់ព្រមនឹងពួកលោកខាងលិច ដើម្បីរំសាយកម្មវិធីនុយក្លេអ៊ែររបស់ខ្លួន ជាថ្នូរនឹងការដកទណ្ឌកម្មមកលើលីប៊ី។ ៨ឆ្នាំក្រោយមក Gaddafi ត្រូវសម្លាប់ក្រោមស្នាដៃក្រុមបះបោរនៅលោកខាងលិច៕

ចុចអានបន្ត ថ្ងៃនេះ ប្រធានាធិបតីកូរ៉េខាងត្បូង ជួបពិភាក្សាជាមួយលោកត្រាំ ក្នុងគោលបំណងមួយ

ប្រភព៖ BBC ប្រែសម្រួល៖ លាភ.