សភារុស្ស៊ី អនុម័តច្បាប់ថ្មីផ្ដល់អំណាចឲ្យប្រធានាធិបតី ប្រឆាំងរាល់ទណ្ឌកម្មបរទេសទាំងអស់

2018-05-23 03:55:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សភា Duma របស់រុស្ស៊ី កាលពីថ្ងៃទី២២ ខែឧសភា ២០១៨ ម្សិលមិញ បានអនុម័តច្បាប់ថ្មីមួយទៀតហើយ ក្នុងគោលបំណងការពារផលប្រយោជន៍សេដ្ឋកិច្ច និងសន្ដិសុខរបស់រុស្ស៊ី ជាការឆ្លើយតបនឹងទណ្ឌកម្មរបស់អាមេរិក និងសម្ព័ន្ធមិត្ត ដែលបានធ្វើឡើង កាលពីពេលថ្មីៗនេះ។

លោក វ្លាឌីមៀ ពូទីន ប្រធានាធិបតីរុស្ស៊ី អំឡុងប្រជុំគណៈរដ្ឋមន្រ្តីថ្មី

ច្បាប់ថ្មីនេះ អនុញ្ញាតឲ្យប្រធានាធិបតីរុស្ស៊ីអាចប្រើគ្រប់វិធានការទាំងអស់ ក្រោមការស្នើឡើងរបស់រដ្ឋាភិបាល ដើម្បីប្រឆាំងនឹងទណ្ឌកម្ម ឬផ្អាកទំនាក់ទំនងរវាងប្រទេសរុស្ស៊ី និងប្រទេសបង្កជម្លោះ រួមទាំងអង្គការនានាផងដែរ។

ជាងនេះទៅទៀត យោងតាមឯកសារច្បាប់នោះ បានរៀបរាប់ពីវិធានការឆ្លើយតបនឹងទណ្ឌកម្មជាច្រើនដូចជា៖

ការផ្អាកកិច្ចសហប្រតិបត្តិការទាំងស្រុងជាមួយក្រុមហ៊ុនអាមេរិកនានា លើផ្នែកផលិតយន្តហោះ មីស៊ីល និងថាមពលនុយក្លេអ៊ែរ
ការហាមទិញមូលបត្ររបស់អាមេរិក
ការដាក់ទណ្ឌកម្មពាណិជ្ជកម្មលើទំនិញអាមេរិក
គម្រោងអនុញ្ញាតឲ្យក្រុមហ៊ុនរបស់រុស្ស៊ី អាចផលិតទំនិញជាច្រើនមុខ ដូចទំនិញរបស់អាមេរិក និងសម្ដ័ន្ធ ដោយមានចាំបាច់ទិញកម្មសិទ្ធិបញ្ញាពីម្ចាស់ដើមនោះទេ។

ការប្រជុំសភា Duma របស់រុស្ស៊ី

សូមបញ្ជាក់ថា ការអនុម័តច្បាប់ថ្មីនេះ គឺក្រោយកាលពីពាក់កណ្ដាលខែមេសា ២០១៨ ក្រសួងរតនាគារជាតិអាមេរិកបានបញ្ចេញបញ្ជីឈ្មោះពលរដ្ឋរុស្ស៊ីចំនួន ២៤នាក់ និងក្រុមហ៊ុនសាជីវកម្មរុស្ស៊ីចំនួន១៤ ដែលត្រូវបានរងទណ្ឌកម្មថ្មីរបស់អាមេរិក៕

ប្រភព៖ RT ប្រែសម្រួល៖ វាសនា