ចំនួនរមណីយដ្ឋាន សហគមន៍-អេកូទេសចរណ៍ នៅកម្ពុជា
- 2018-05-23 13:29:55
- ចំនួនមតិ 0 | ចំនួនចែករំលែក 0
ចំនួនរមណីយដ្ឋាន សហគមន៍-អេកូទេសចរណ៍ នៅកម្ពុជា
ចន្លោះមិនឃើញ
លោក ជា បូរ៉ា រដ្ឋលេខាធិការក្រសួងទេសចរណ៍ បានឲ្យដឹងថា បច្ចុប្បន្ន កម្ពុជាមានរមណីយដ្ឋានទេសចរណ៍សរុបជាង ៤០០កន្លែង (គ្រប់គ្រងដោយរដ្ឋ ២៦២កន្លែង និងឯកជន ៧៤កន្លែង) និងសហគមន៍ទេសចរណ៍-អេកូទេសចរណ៍ចំនួន ៥៦កន្លែង ព្រមជាមួយកន្លែងមានសក្តានុពលទាក់ទាញទេសចរជាច្រើនទៀតនៅទូទាំងប្រទេស ដែលបាននឹងកំពុងរៀបចំទទួលភ្ញៀវទេសចរជាតិ-អន្តរជាតិ។ ការលើកឡើងនេះ ក្នុងសិក្ខាសាលាផ្សព្វផ្សាយចលនាប្រឡងប្រណាំងរមណីយដ្ឋានទេសចរណ៍គំរូលើកទី២ អមជាមួយចលនាប្រឡងប្រណាំងសហគមន៍ទេសចរណ៍ និងអេកូទេសចរណ៍គំរូលើកទី១ នាថ្ងៃទី២៣ ខែឧសភា ឆ្នាំ២០១៨ នៅសណ្ឋាគារភ្នំពេញ។
ភ្ញៀវទេសចរងាកមកចាប់អារម្មណ៍នូវដំណើរកម្សាន្តផ្សងព្រេង ដែលមានការរៀបចំច្បាស់លាស់ (Curated Adventure) ជាងការផ្សងព្រេងបែបធម្មជាតិ។
ការថតរូបចល័ត ដោយប្រើប្រាស់ទូរសព្ទឆ្លាតវៃ និងចែករំលែកជាមួយមនុស្សជុំវិញខ្លួន ដោយប្រើប្រាស់បណ្តាញសង្គម ដូចជា Facebook, Twitter, Line, Snapchat ជាដើម ដែលជំរុញឱ្យពួកគេ ធ្វើដំណើរទៅរករមណីយដ្ឋានទេសចរណ៍ថ្មីៗ។
ការដើរកម្សាន្តម្នាក់ឯង តែមិនមែនជាទេសចរណ៍បែបសំពាយ ដើម្បីស្វែងយល់ និងស្វែងរកគោលដៅទេសចរណ៍ថ្មីៗ បំពេញបំណងប្រាថ្នារបស់ខ្លួនឯង។
ការរៀបចំកន្លែងស្នាក់នៅប្រកបដោយភាពកក់ក្តៅមានផាសុកភាព តែមិនចំណាយច្រើន និងប្រើប្រាស់បច្ចេកវិទ្យាចុងក្រោយ ដូចជាការរចនាដោយមិនប្រើម៉ាស៊ីនត្រជាក់ តែមានខ្យល់ចេញចូលគ្រប់គ្រាន់។
ការជំរុញការប្រើប្រាស់កសិកម្មខ្នាតតូចបែបបរិស្ថាន ដូចជាការដាំដើមឈើឱ្យបានច្រើននៅក្នុងរមណីយដ្ឋាន ការដាំផ្កា បន្លែ និងចិញ្ចឹមសត្វ ដើម្បីផ្គត់ផ្គង់តម្រូវការភ្ញៀវទេសចរជាដើម។
ក្រសួងទេសចរណ៍ បានឱ្យដឹងថា កាលពីឆ្នាំ២០១៧ កម្ពុជាទទួលបានអ្នកទេសចរអន្តរជាតិ ជាង ៥,៦ លាននាក់ និងនាំប្រាក់ចំណូលប្រមាណ ៣៤០០ លានដុល្លារ។ សម្រាប់រយៈពេល ៣ខែ ឆ្នាំ២០១៨នេះ កម្ពុជាទទួលបានភ្ញៀវទេសចរអន្តរជាតិប្រមាណ ១,៧ លាននាក់ កើនឡើងក្នុងអត្រា ១៣,៩%។ តាមការព្យាករ នៅឆ្នាំ២០១៨នេះ កម្ពុជា នឹងទទួលបានភ្ញៀវទេសចរអន្តរជាតិ ប្រមាណ ៦,២ លាននាក់៕