ផ្លូវបេតុង១ខ្សែចាប់ពីផ្លូវជាតិលេខ៤ ដល់ផ្លូវជាតិលេខ៣ ត្រូវបានបញ្ចប់ការសាងសង់ហើយ

2018-05-28 03:45:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្ទីរសាធារណការ និងដឹកជញ្ជូនរាជធានីភ្នំពេញ បានឱ្យដឹងថា ផ្លូវបេតុងប្រទះឡាង ចាប់ពីផ្លូវជាតិលេខ៣ ដល់ផ្លូវជាតិលេខ៤ ត្រូវបានបញ្ចប់ការដ្ឋានសាងសង់ ១០០% ហើយ កាលពីថ្ងៃទី២៧ ខែឧសភា ឆ្នាំ២០១៨។

ផ្លូវបេតុងប្រទះឡាង ដែលទើបតែបញ្ចប់ការសាងសង់កាលពីថ្ងៃទី២៧ ខែឧសភា ឆ្នាំ២០១៨ (រូបថត៖ FB មន្ទីរសាធារណការរាជធានីភ្នំពេញ)

ផ្លូវបេតុងនេះត្រូវបានបើកការដ្ឋានសាងសង់កាលពីថ្ងៃទី៣១ ខែតុលា ឆ្នាំ២០១៦។ ផ្លូវនេះមានប្រវែង ១២,៦គីឡូម៉ែត្រ ទទឹង ៧ម៉ែត្រ ស្ថិតក្នុងសង្កាត់ប្រទះឡាង ខណ្ឌដង្កោ សង្កាត់បឹងធំ ខណ្ឌពោធិ៍សែនជ័យ រាជធានីភ្នំពេញ និងឃុំបែកចាន ស្រុកអង្គស្នួល ខេត្តកណ្តាល។

មន្ទីរសាធារណការ បានបញ្ជាក់ថា ផ្លូវនេះជាផ្លូវក្រវាត់ទី៤ ដែលរថយន្តធុនធ្ងន់ រថយន្តកុងតឹណឺ អាចធ្វើចរាចរណ៍ពីផ្លូវជាតិលេខ៤ (ត្រង់ចំណុចផ្សារបែកចាន) ទៅភ្ជាប់ផ្លូវជាតិលេខ៣ (ត្រង់ចំណុចវត្តស្លែង) ផ្លូវជាតិលេខ២ ផ្លូវជាតិលេខ១ ដោយមិនចាំបាច់ចូលមកដល់រង្វង់មូលចោមចៅដែលតែងតែកកស្ទះនោះឡើយ៕

អត្ថបទ៖ សំភី