ក្រុងប៉េកាំងព្រលះអាមេរិក រឿងពង្រីកយោធានៅសមុទ្រចិនខាងត្បូង

2018-06-01 03:34:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងការបរទេសចិន កាលពីថ្ងៃទី៣១ ខែឧសភា ២០១៨ ម្សិលមិញ បានព្រលះអាមេរិកខ្លាំងៗ ដែលចោទថាចិនបានពង្រីកយោធារបស់ខ្លួន នៅតំបន់សមុទ្រចិនខាងត្បូង។

លោកស្រី Hua Chunying អ្នកនាំពាក្យក្រសួងការបរទេសចិន ថ្លែងទៅកាន់អ្នកកាសែតនាពេលកន្លងមក

លោកស្រី Hua Chunying អ្នកនាំពាក្យក្រសួងការបរទេសចិន និយាយថា "អាមេរិកហាក់ដូចជា ចោរកំពុងលលេងជាមួយប៉ូលិស។ លោកស្រីបន្ថែមថា វត្តមានយោធាអាមេរិកនៅសមុទ្រចិនខាងត្បូង គឺច្រើនជាងចិន និងប្រទេសដែលនៅជុំវិញសមុទ្រនេះរួមបញ្ចូលគ្នាទៅទៀត។ ចិនមិនបានដំឡើងសព្វាវុធមុន នៅក្នុងដែនសមុទ្រចិនខាងត្បូងនោះទេ ហើយចិនក៏មិនបានពង្រីកសកម្មភាពយោធាធំបំផុតនៅសមុទ្រចិនខាងត្បូងនោះដែរ"។

លោកស្រ្ដីបន្ដទៀតថា "វាជាសិទ្ធិស្របច្បាប់របស់យើង ដើម្បីដំឡើងសព្វាវុធយោធាសម្រាប់ការពារនៅលើកោះរបស់យើង។ តើនរណាក្នុងពិភពលោក កំពុងពង្រីកយោធានៅសមុទ្រចិនខាងត្បូង? ចម្លើយវាឆ្លើយដោយខ្លួនឯងហើយ"។

សូមបញ្ជាក់ថា លោក James Mattis រដ្ឋមន្រ្តីក្រសួងការពារជាតិអាមេរិក កាលពីដើមសប្ដាហ៍នេះ បាននិយាយថា អាមេរិកនឹងបន្តធ្វើលំហាត់សមយុទ្ធយោធាដើម្បីប្រឆាំងនឹងចិននៅក្នុងដែនសមុទ្រចិនខាងត្បូង៕