ក្លឹបក្រសួងការពារជាតិ បញ្ចប់កិច្ចសន្យាកីឡាករកូរ៉េ និងកាត់ប្រាក់ខែកីឡាករជប៉ុន

2018-06-05 12:52:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបក្រសួងការពារជាតិ បានពិន័យកីឡាកររបស់ខ្លួនចំនួន ២រូប ក្រោយការប៉ះទង្គិច ជាមួយកីឡាកររបស់ក្រុមព្រះខ័នរាជស្វាយរៀង នៅកីឡដ្ឋានស្វាយរៀង កាលពីចុងសប្ដាហ៍កន្លងទៅ។

កីឡាករ២រូបនោះ គឺ កីឡាករកូរ៉េខាងត្បូង Song Chi-hun (បញ្ចប់កុងត្រា) និងកីឡាករជប៉ុន Yudai Ogawa (កាត់ប្រាក់ខែ ២ខែ)។ នេះបើតាមការឲ្យដឹងពីលោក ខូវ ឆាយ អ្នកចាត់ការក្លឹបក្រសួងការពារជាតិ នៅក្នុងសន្និសីទកាសែត នាល្ងាចថ្ងៃទី៥ ខែមិថុនានេះ។

លោក ខូវ ឆាយ អ្នកចាត់ការក្រុមក្រសួងការពារជាតិ

គួររំលឹកថា នៅក្នុងការប្រកួតសប្ដាហ៍ទី៨ នៃលីគកំពូលកម្ពុជា រវាងក្រុមម្ចាស់ផ្ទះព្រះខ័នរាជស្វាយរៀង និងក្រសួងការពារជាតិ កាលពីថ្ងៃអាទិត្យ (៣ មិថុនា) មានការប៉ះទង្គិចគ្នា នៅចុងម៉ោង រហូតដល់មានការដេញវាយគ្នា តាំងពីក្នុងទីលាន ដល់ក្រៅទីលានដែលធ្វើឲ្យអាជ្ញាកណ្ដាល បានផ្ដល់កាតក្រហមបណ្ដេញកីឡាករនៃក្រុមទាំងសងខាង សរុប ៥រូប។ លទ្ធផលនៃការប្រកួតនៅពេលនោះ គឺក្រុមភ្ញៀវក្រសួងការពារជាតិ ឈ្នះក្រុមម្ចាស់ផ្ទះ ២-១៕

អត្ថបទ៖ សុខ សុវត្ថិ