ថៃកំណត់ពេលចាប់ដំណើរការអ៊ីនធឺណិត 5G

2018-06-07 09:04:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋាភិបាលថៃ មានគម្រោងដាក់ដំណើរការបណ្ដាញអ៊ីនធឺណិតជំនាន់ទី៥ (5G) ចាប់ពីឆ្នាំ២០២០ខាងមុខតទៅ។ នេះជាការប្រកាសឲ្យដឹងពីលោក Somkid Jatusripitak ឧបនាយករដ្ឋមន្ត្រីថៃ នៅក្នុងកម្មវិធីរបស់ក្រុមហ៊ុនទូរសព្ទចិនមួយ កាលពីថ្ងៃទី៦ មិថុនា ២០១៨។

លោក Somkid Jatusripitak ឧបនាយករដ្ឋមន្ត្រីថៃ ក្នុងកម្មវិធីមួយរបស់ក្រុមហ៊ុនទូរសព្ទចិន កាលពីថ្ងៃទី៦ មិថុនា ២០១៨/ រូបភាព៖ Bangkok Post

លោក Somkid បានឲ្យដឹងថា គណៈកម្មាធិការផ្សព្វផ្សាយ និងទូរគមនាគមន៍ជាតិថៃ (NBTC) នឹងត្រូវទទួលរ៉ាប់រងចំពោះគម្រោង 5G ហើយ NBTC ក៏នឹងត្រូវពិភាក្សាការអភិវឌ្ឍនេះជាមួយនឹងវិស័យឯកជនជាមុនសិនផងដែរ។ លោកឧបនាយករដ្ឋមន្ត្រី បានបន្តថា ក្រោយពេលដំណើរការ 5G រួច សេដ្ឋកិច្ចរបស់ថៃអាចនឹងហក់ឡើងជាងមុនបានចំនួន ៥% ជាពិសេសនៅក្នុងទម្រង់ការបើកអាជីវកម្មថ្មី ឬក៏សហគ្រាសខ្នាតតូច និងខ្នាតមធ្យម។

សូមបញ្ជាក់ថា បច្ចុប្បន្ន ពលរដ្ឋថៃមានទូរសព្ទប្រើប្រាស់សរុបចំនួន ១២១លានគ្រឿង ហើយនៅក្នុងនោះមានតែ ៤០លានគ្រឿងប៉ុណ្ណោះដែលប្រើប្រាស់អ៊ីនធឺណិត៕

ប្រភព៖ Bangkokpost ប្រែសម្រួល៖ ឈាង.