លោក Julen Lopetegui គ្រូបង្វឹកក្រុមជម្រើសជាតិអេស្ប៉ាញ ត្រូវបានសហព័ន្ធកីឡាបាល់ទាត់អេស្ប៉ាញ សម្រេច​ចិត្ត​បណ្ដេញចេញ​ពីតំណែង​ នៅ​រសៀលថ្ងៃទី​១៣ ខែមិថុនានេះ។ ភ្លាមៗនោះ សហព័ន្ធបានសម្រេចឲ្យលោក Fernando Hierro ដែលជានាយក​កីឡាអេស្ប៉ាញ មកដឹកនាំក្រុមឈុតធំ មុន១ថ្ងៃនៃការបើកព្រឹត្តិការណ៍ FIFA World Cup 2018។

សហព័ន្ធបាល់ទាត់អេស្ប៉ាញ បានចោទប្រកាន់លោក Julen Lopetegui ថាបានលួចទៅចរចាជាមួយក្លឹប Real Madrid ដើម្បីចូលទៅដឹកនាំ និងមិនបានផ្ដល់ដំណឹងនេះទៅកាន់សហព័ន្ធឲ្យបានដឹង។

សូមជម្រាបថា កាលពី២៤ម៉ោងមុន លោក Lopetegui ត្រូវបាន Real Madrid សម្រេចតែងតាំងជាគ្រូបង្វឹក ក្រោយការចាកចេញរបស់លោក Zidane នាពេលកន្លងទៅ៕