ជំនួប ត្រាំ-គីម៖ សិង្ហបុរីចាយ ២០លានដុល្លារ ប៉ុន្តែចំណេញវិញកប់ក្ដោង

2018-06-15 03:39:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សិង្ហបុរី ប្រទេសដែលធ្វើជាម្ចាស់ផ្ទះជំនួបជាប្រវត្តិសាស្ត្ររវាងលោក ដូណាល់ ត្រាំ ប្រធានាធិបតីអាមេរិក និងលោក គីម ជុងអ៊ុន មេដឹកនាំកំពូលកូរ៉េខាងជើង កាលពីដើមសប្ដាហ៍នេះ បានប្រកាសថា បានចំណាយប្រាក់ ២០លានដុល្លារ ដើម្បីរៀបចំជំនួបនេះ។ ប៉ុន្ដែការចំណាយ ២០លានដុល្លារនេះ មិនបានធ្វើឲ្យសិង្ហបុរីខាតនោះទេ តែហាក់ដូចជាជំនួញដែលចំណេញកប់ក្ដោងទៅវិញ ដោយបានទទួលប្រាក់ចូលមកវិញប្រមាណ ៧០០លានដុល្លារ។

លោក គីម ជុងអ៊ុន និងលោក ត្រាំ អំឡុងពិធីចុះហត្ថលេខា នៅប្រទេសសិង្ហបុរី

ទឹកប្រាក់ចំណេញប្រមាណ ៧០០លានដុល្លារនេះ គឺតាមការតាមរយៈទេសចរ កន្លែងស្នាក់នៅ និងប្រព័ន្ធផ្សាយ។ អំឡុងជំនួបរវាងលោក ត្រាំ និងលោក គីម ជុងអ៊ុន មានអ្នកសារព័ត៌មាន និងសន្តិសុខប្រមាណ ៤ពាន់នាក់ បានធ្វើដំណើរទៅកាន់ប្រទេសសិង្ហបុរី ដោយមួយថ្ងៃ ត្រូវចំណាយជាមធ្យមប្រមាណ ៦០០លានដុល្លារ។ ចំណែកភ្ញៀវទេសអំឡុងថ្ងៃប្រជុំ ៣ថ្ងៃ សិង្ហបុរីបានទទួលទឹកប្រាក់ប្រមាណ ៧,២លានដុល្លារ។ នេះបើតាមការបញ្ជាក់ពីក្រុមហ៊ុនតាមដានលើប្រព័ន្ធផ្សព្វផ្សាយ Meltwater។

ជាមួយគ្នានេះ ក្រុមហ៊ុនដដែលនេះក៏បានបញ្ជាក់ផងដែរថា រយៈពេល ៣ថ្ងៃអំឡុងកិច្ចប្រជុំ ក្រុមហ៊ុនប្រព័ន្ធប្រព័ន្ធផ្សព្វផ្សាយធំៗក្នុងពិភពលោកបានទទួលប្រាក់ពីការម្ចាស់ក្រុមហ៊ុនឧបត្ថម្ភប្រមាណ ២៧០លានដុល្លារ៕

ប្រភព៖ Straits Times ប្រែសម្រួល៖ វាសនា