កំណត់ត្រាអ្វីខ្លះ បានកើតឡើង ក្រោយពី Ronaldo ស៊ុតចូល៣គ្រាប់យប់មិញ?
- 2018-06-16 02:48:43
- ចំនួនមតិ 0 | ចំនួនចែករំលែក 0
កំណត់ត្រាអ្វីខ្លះ បានកើតឡើង ក្រោយពី Ronaldo ស៊ុតចូល៣គ្រាប់យប់មិញ?
ចន្លោះមិនឃើញ
ខ្សែប្រយុទ្ធឆ្នើម Cristiano Ronaldo រកបានចំនួន ៣គ្រាប់ ក្នុងការប្រកួតបើកឆាករបស់ក្រុមព័រទុយហ្គាល់ ជាមួយ អេស្ប៉ាញ នៅព្រឹត្តិការណ៍ FIFA World Cup 2018 កាលពីយប់មិញ។ លទ្ធផលនេះ បានជួយឲ្យ ព័រទុយហ្គាល់ ចែកគ្នា១ពិន្ទុម្នាក់ជាមួយអេស្ប៉ាញ ក្នុងពូល B បន្ទាប់ពីបញ្ចប់ទៅដោយលទ្ធផល ៣-៣។ យ៉ាងណាមិញ គេសង្កេតឃើញកំណត់ត្រាថ្មីៗបានកើតឡើង សម្រាប់ Ronaldo ។
២- កីឡាករវ័យ៣៣ឆ្នាំ ស៊ុតបញ្ចូលទីបានសម្រេច ៣គ្រាប់ ក្នុងការស៊ុតត្រឹមតែ ៤ជើងប៉ុណ្ណោះក្នុង១ប្រកួតនៅ World Cup យប់មិញ។ ចំណែក ការរកបាន ៣គ្រាប់ចុងក្រោយនៅ World Cup សម្រាប់ក្រុមជម្រើសជាតិមុនការប្រកួតទល់នឹងអេស្ប៉ាញយប់មិញ Ronaldo ត្រូវការស៊ុតរហូតដល់ទៅ ៧០ជើងឯណោះ។
៣- គ្រាប់ទី៣ ឬគ្រាប់ហ្វ្រីឃីករបស់ Ronaldo យប់មិញ គឺជាការសម្រេចទីដោយជោគជ័យលើកដំបូង ក្នុងការស៊ុតហ្វ្រីឃីកចំនួន ៤៥ជើងកន្លងទៅ។
៤- Ronaldo ជាកីឡាករម្នាក់ ដែលអាចរកគ្រាប់បាល់បាននៅព្រឹត្តិការណ៍ World Cup ៤ដងផ្សេងៗគ្នា ស្មើកំណត់ត្រារបស់ Pele (ប្រេស៊ីល) និង Uwe Seeler (អាល្លឺម៉ង់)។
៥- Ronaldo ជាកីឡាករអឺរ៉ុបទីពីរ ដែលអាចរកគ្រាប់បាល់បានសម្រេចសម្រាប់ក្រុមជម្រើសជាតិចំនួន ៨៤គ្រាប់ ស្មើកំណត់ត្រារបស់ Ferenc Puskas (ហុងគ្រី) ។
សូមបញ្ជាក់ថា Ronaldo រកបាន ៣គ្រាប់ទល់នឹង អេស្ប៉ាញ ដោយគ្រាប់បាល់ ប៉េណាលទី ១គ្រាប់នៅនាទី៤, ស៊ុតទម្លុះអ្នកចាំទី De Gea នៅនាទី៤៤ និងទាត់ហ្វ្រីឃីក នៅនាទី៨៨។ ចំពោះគ្រាប់ទី៣នេះ កីឡាករខាងលើ ស៊ុតពីចម្ងាយប្រហែល ២០ម៉ែត្រ ក្នុងល្បឿន ៨០គ.ម/វិនាទី និងប្រើរយៈពេលត្រឹមតែ ០,៩វិនាទីប៉ុណ្ណោះ៕
ចុចអានបន្ត Ronaldo ស៊ុត៣គ្រាប់ម្នាក់ឯង ជួយឲ្យព័រទុយហ្គាល់ ស្មើអេស្ប៉ាញ