ថៃ នឹងចុះកិច្ចព្រមព្រៀងទិញផ្កាយរណបសង្កេតការណ៍

2018-06-16 04:23:25
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមសារព័ត៌មាន Bangkok Post កាលពីថ្ងៃទី១៥ ខែមិថុនា ឆ្នាំ២០១៨ បានឲ្យដឹងថា លោកនាយករដ្ឋមន្ត្រីថៃ ប្រាយុទ្ធ ចាន់អូចា នឹងចុះកិច្ចព្រមព្រៀងជាមួយក្រុមហ៊ុន Airbus ដើម្បីទិញផ្កាយរណបសង្កេតការណ៍មួយគ្រឿង ដែលមានតម្លៃ ២១៥លានដុល្លារ ក្នុងដំណើរទស្សនកិច្ចរបស់លោកទៅកាន់ប្រទេសបារាំង នៅចុងខែនេះ។

ផ្កាយរណប Theo-II (រូបភាពពី Twitter)

លោក ប្រាយុទ្ធ នឹងជួបជាមួយលោកស្រី Theresa May នាយករដ្ឋមន្ត្រីអង់គ្លេស នៅក្រុងឡុងដ៍ មុនទៅកាន់ប្រទេសបារាំង រួចឈាងចូលទៅក្រុង Toulouse នៅថ្ងៃទី២២ ខែមិថុនា ដើម្បីធ្វើទស្សនកិច្ច ក៏ដូចជាចុះកិច្ចព្រមព្រៀង នៅរោងចក្រ Airbus ។

សូមជម្រាបថា ដំណើរទស្សនកិច្ចរបស់លោកនាយករដ្ឋមន្ត្រីថៃ ធ្វើឡើងបន្ទាប់ពីសហភាពអឺរ៉ុបយប់ព្រមបន្តការទាក់ទងផ្លូវការជាមួយថៃ កាលពីខែធ្នូ ឆ្នាំ២០១៧ ក្រោយពីផ្អាករយៈពេល ៣ឆ្នាំដោយសាររដ្ឋប្រហារនៅថៃ។

ផ្កាយរណប Theo-II អាចជាគោលដៅរបស់ថៃ បន្ទាប់ពីថៃទិញផ្កាយរណប Theos លើកដំបូង កាលពីឆ្នាំ២០០៨ ។ ចំណែក Airbus មិនទាន់អាចទាក់ទងបាន ដើម្បីសុំការឆ្លើយតបពាក់ព័ន្ធនឹងកិច្ចព្រមព្រៀងនេះនៅឡើយទេ៕

អត្ថបទ៖ លាភ.