សម្តេចក្រុមព្រះ នរោត្តម រណឬទ្ធិ ជួបគ្រោះថ្នាក់ចរាចរណ៍ នៅខេត្តព្រះសីហនុ

2018-06-17 03:36:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចក្រុមព្រះ នរោត្តម រណឫទ្ធិ ប្រធានគណបក្សហ៊្វុនស៊ិនប៉ិច បានជួបគ្រោះថ្នាក់ចរាចរណ៍ លើផ្លូវជាតិលេខ៤ នៅចំណុចភូមិអូរតាសេក ឃុំអរូចំណារ ស្រុកព្រៃនប់ ខេត្តព្រះសីហនុ នៅវេលាម៉ោងជាង ៩ព្រឹក ថ្ងៃទី១៧ ខែមិថុនា ឆ្នាំ២០១៨នេះ។

បើតាមសេចក្តីរាយការណ៍បានឱ្យដឹងថា នៅក្នុងគ្រោះថ្នាក់ចរាចរណ៍នេះ សម្តេចក្រុមព្រះ បានរងរបួសធ្ងន់ និងភាគីម្ខាងទៀតក៏បានរងរបួសធ្ងន់ផងដែរ។

រថយន្ត BMW របស់សម្តេចក្រុមព្រះ ដែលបានបុកទង្គិចជាមួយរថយន្តហាយឡេនឌ័រ នៅខេត្តព្រះសីហនុ នាព្រឹកថ្ងៃទី១៧ ខែមិថុនា ឆ្នាំ២០១៨។ រូបថត៖ ផ្តល់ឱ្យ

នៅមុនពេលកើតហេតុ ក្បួនរថយន្តសម្តេចក្រុមព្រះ បានធ្វើដំណើរពីខេត្តកំពត ទៅខេត្តព្រះសីហនុ ដោយសម្តេចក្រុមព្រះ ជិះនៅក្នុងរថយន្ត BMW ពណ៌ស ស្លាកលេខរដ្ឋសភា 2-090 និងរថយន្តម្ខាងទៀតដែលបុកទង្គិចជាមួយ គឺម៉ាកហាយឡេនឌ័រ ពណ៌ស ស្លាកលេខ 2-9667 ធ្វើដំណើរពីខេត្តព្រះសីហនុ មកភ្នំពេញ។

បន្ទាប់ពីជួបគ្រោះថ្នាក់ចរាចរណ៍នេះ សម្តេចក្រុមព្រះ នរោត្តម រណឬទ្ធិ ត្រូវបានបញ្ជូនទៅកាន់មន្ទីរពេទ្យឯកជន១កន្លែង នៅក្នុងខេត្តព្រះសីហនុ ដើម្បីព្យាបាល៕