រាជរដ្ឋាភិបាល បង្ហាញតួលេខពលករកម្ពុជាដែលទទួលបានភាពស្របច្បាប់នៅថៃ
- 2018-06-19 02:14:17
- ចំនួនមតិ 0 | ចំនួនចែករំលែក 0
រាជរដ្ឋាភិបាល បង្ហាញតួលេខពលករកម្ពុជាដែលទទួលបានភាពស្របច្បាប់នៅថៃ
ចន្លោះមិនឃើញ
យោងតាមសេចក្ដីជូនដំណឹងរបស់គណៈកម្មការផ្ដល់ភាពស្របច្បាប់ដល់ពលករកម្ពុជាដែលកំពុងរស់នៅ និងធ្វើការនៅប្រទេសថៃ បានឲ្យដឹងថា គិតត្រឹមថ្ងៃទី១៨ ខែមិថុនា ឆ្នាំ២០១៨ កម្ពុជា-ថៃ បានរួមគ្នាផ្ដល់ភាពស្របច្បាប់ដល់ពលករកម្ពុជា ចំនួន ១លាន ៧ម៉ឺននាក់។
ក្នុងនោះ កម្ពុជា-ថៃ បានសហការគ្នាបញ្ជាក់អត្តសញ្ញាណថ្មីជូនពលករកម្ពុជាមានប័ណ្ណស៊ីជម្ពូ (ប័ណ្ណមិនមែនសញ្ជាតិថៃ) ដែលចេញដោយភាគីថៃ ដើម្បីយកទៅសុំភាពស្របច្បាប់ពីភាគីថៃ បានចំនួនប្រមាណ ៤២ម៉ឺននាក់។ ជាមួយគ្នានេះ ភាគីទាំងពីរបានសហការគ្នាសម្រួលឯកសារ និងផ្ដល់ភាពស្របច្បាប់ តាមរយៈ MoU បានចំនួនប្រហែល ៦៥ម៉ឺននាក់។
សេចក្ដីជូនដំណឹងនេះ ត្រូវធ្វើឡើងបន្ទាប់ពីកិច្ចពិភាក្សារវាងលោក អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានគណៈកម្មការផ្ដល់ភាពស្របច្បាប់ ជាមួយលោកឧត្ដមសេនីយ៍ Po. Gen. ADUL SANGSINGKEO រដ្ឋមន្ត្រីក្រសួងការងារថៃ កាលពីថ្ងៃទី១៨ ខែមិថុនា ឆ្នាំ២០១៨ នៅទីស្ដីការក្រសួងការងារថៃ។
ភាគីទាំងពីរបានឯកភាពគ្នា បញ្ចប់យុទ្ធនាការជាស្ថាពរក្នុងការផ្ដល់ភាពស្របច្បាប់ដល់ពលករកម្ពុជា របស់គណៈកម្មការផ្ដល់ភាពស្របច្បាប់ ចាប់ពីថ្ងៃទី១ ខែកក្កដា ឆ្នាំ២០១៨ តទៅ។ សេចក្ដីជូនដំណឹងដដែលបន្ថែម៕