អាជ្ញាធរវៀតណាម បង្រ្កាបទីតាំងភ្នាល់បាល់អនឡាញ អំឡុងរដូវ World Cup

2018-06-25 06:48:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សមត្ថកិច្ចវៀតណាម បានឆ្មក់ចូលទីតាំងភ្នាល់បាល់អនឡាញមួយកន្លែងនៅក្នុងទីក្រុងហូជីមិញ។ ក្នុងប្រតិបត្តិការនេះ ក្រុមសមត្ថកិច្ច បានចាប់ខ្លួនមនុស្សចំនួន ៤ នាក់។

ជាមួយគ្នានេះ ក្រុមអាជ្ញាធរវៀតណាម ក៏កំពុងចាត់វិធានការដើម្បីបញ្ឈប់ការភ្នាល់នៅក្នុងទីផ្សារងងឹត ដែលកើនឡើងយ៉ាងឆាប់រហ័ស អំឡុងព្រឹត្តិការបាល់ទាត់ពិភពលោកWorld Cup ឆ្នាំ២០១៨នេះ។

ទីតាំងចាក់បាល់មួយកន្លែង ក្នុងប្រទេសវៀតណាម។ រូបភាព៖ vtc.vn

យោងតាមការចុះផ្សាយរបស់សារព័ត៌មានផ្លូវការរបស់សមត្ថកិច្ចវៀតណាម បានចុះផ្សាយថា មនុស្សទាំង៤ នាក់នោះត្រូវបានចាប់ខ្លួន នៅក្នុងទីក្រុង ហូជីមិញ កាលពីថ្ងៃទី២២ មិថុនាកន្លងទៅ។ ចំណែកប៉ុន្មាននាក់ផ្សេងទៀត ក៏ត្រូវបានកោះហៅមកសួរនាំផងដែរ។

ក្រុមជនសង្ស័យ បានសារភាពថា ខ្លួនពិតជាបានលេងល្បែងភ្នាល់តាមវេបសាយមួយ ដែលមានមូលដ្ឋាននៅក្នុងប្រទេសហ្វីលីពីន។

យ៉ាងណាមិញ ទូរទស្សន៍ជាតិវៀតណាមមួយ បានរាយការណ៍ថា «តាំងពីដើមឆ្នាំ២០១៧មក ទឹកប្រាក់សរុបនៃការភ្នាល់តាមអនឡាញ ត្រូវបានប៉ាន់ប្រមាណថាមានចំនួន ២៦ លានដុល្លារ។»

គួរបញ្ជាក់ថា តាមច្បាប់របស់វៀតណាម បុគ្គលណាដែលបានប្រឡូកក្នុងល្បែងស៊ីសង ឬរៀបចំឲ្យមានការលេងល្បែងស៊ីសង នឹងត្រូវប្រឈមមុខនឹងការជាប់ពន្ធនាគារចំនួន ១០ឆ្នាំ។

ប្រភព៖ The Jakarta Post ប្រែសម្រួល៖ អឹុម ម៉េងស៊ាង