កម្ពុជា-ថៃ នឹងធ្វើសមយុទ្ធរួមគ្នាជាថ្មីឡើងវិញ ក្រោយផ្អាកអស់ ៧ឆ្នាំ
- 2018-06-25 03:37:21
- ចំនួនមតិ 0 | ចំនួនចែករំលែក 0
កម្ពុជា-ថៃ នឹងធ្វើសមយុទ្ធរួមគ្នាជាថ្មីឡើងវិញ ក្រោយផ្អាកអស់ ៧ឆ្នាំ
ចន្លោះមិនឃើញ
លោក Thanchaiyan Srisuwan មេបញ្ជាការកំពូលកងទ័ពថៃ បានប្រាប់តាមរយៈសារព័ត៌មានក្នុងស្រុក Bangkok Post ថា កម្ពុជានឹងបញ្ជូនកងយោធា និងប៉ូលិសចំនួន ២៥រូប ចូលរួមក្នុងសកម្មភាពហ្វឹកហាត់លំដាប់ VIP និងសមយុទ្ធរួមគ្នាមួយ នៅក្នុងខេត្ត Chachoengsao នៃប្រទេសថៃ។
សកម្មភាពហ្វឹកហាត់ នឹងផ្ដោតសំខាន់ទៅលើការការពារឥស្សរជនពីការវាយប្រហារដោយគ្រាប់កាំភ្លើង ឯសមយុទ្ធវិញនឹងធ្វើឡើងពាក់ព័ន្ធនឹងជំនួយមនុស្សជាតិ ព្រមទាំងការដោះស្រាយគ្រោះមហន្តរាយ ដែលកើតឡើងនៅតាមបន្ទាត់ព្រំដែនប្រទេសទាំង២។
សូមបញ្ជាក់ថា ចំពោះកាលបរិច្ឆេទនៃការហ្វឹកហាត់ និងសមយុទ្ធកម្ពុជា-ថៃ នៅមិនទាន់មានការបញ្ជាក់ផ្លូវការនៅឡើយទេ៕