សម្ដេច ហ៊ុន សែន បង្ហើបថា បានពឹងឲ្យកីឡាករ Honda ជួយធ្វើរឿង២

2018-06-25 03:38:28
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រមុខរាជរដ្ឋាភិបាលកម្ពុជា សម្ដេច ហ៊ុន សែន នៅថ្ងៃទី២៥ ខែមិថុនា ២០១៨នេះ បានថ្លែងមុខលោក បេសសូ ខេនអ៊ិឈិ ភារធារីស្តីទីនៃស្ថានទូតជប៉ុនប្រចាំកម្ពុជាថា សម្ដេចបានពឹងកីឡាករបាល់ទាត់ជប៉ុន Keisuke Honda ឲ្យជួយធ្វើរឿងចំនួន២។ ទីមួយ គឺអំពាវនាវឲ្យយុវជនកម្ពុជា កុំប្រើប្រាស់គ្រឿងញៀន និងទីពីរ គឺអំពាវនាវឲ្យប្រជាពលរដ្ឋកម្ពុជា ពាក់មួកសុវត្ថិភាព។

កីឡាករ Honda ចូលជួបសម្ដែងការគួរសមជាមួយសម្ដេច ហ៊ុន សែន នៅរាជធានីភ្នំពេញ នាពេលកន្លងមក (រូបភាព៖ AKP)

ថ្លែងក្នុងពិធីសម្ពោធចំណតផែពហុបំណង នៃកំពង់ផែស្វយ័តក្រុងព្រះសីហនុ សម្ដេច ហ៊ុន សែន ថា កីឡាករ Honda ដែលបានស៊ុតបញ្ចូលទីជួយឲ្យជប៉ុនតាមស្មើសេណេហ្កាល់កាលពីយប់មិញ ធ្លាប់បានមកជួបជាមួយសម្ដេច នៅក្រុងភ្នំពេញ ហើយសម្ដេចបានពឹងឲ្យកីឡាករជប៉ុនរូបនេះ ជួយធ្វើរឿងចំនួនពីរខាងលើ បន្ថែមលើការហ្វឹកហាត់បាល់ទាត់ដល់យុវជនកម្ពុជា៕

អត្ថបទ៖ វាសនា