ធនាគារជាតិ ប្រកាសផលវិបាកនៃការប្រើប្រាស់កម្ចីខុសច្បាប់
- 2018-06-29 09:36:17
- ចំនួនមតិ 0 | ចំនួនចែករំលែក 0
ធនាគារជាតិ ប្រកាសផលវិបាកនៃការប្រើប្រាស់កម្ចីខុសច្បាប់
ចន្លោះមិនឃើញ
ធនាគារជាតិនៃកម្ពុជា នៅថ្ងៃទី២៩ ខែមិថុនា ឆ្នាំ២០១៨នេះ បានប្រកាសពីផលវិបាកធំៗ ដែលបណ្តាលមកពីការប្រើប្រាស់កម្ចីខុសច្បាប់ រួមមានដូចខាងក្រោម៖
អតិថិជន អាចប្រឈមមុខនឹងបំណុលវ័ណ្ឌក ដោយសារអត្រាការប្រាក់ និងកម្រៃសេវាផ្សេងៗខ្ពស់យ៉ាងខ្លាំង ជាងគ្រឹះស្ថានដែលស្របច្បាប់ និងការគណនាការប្រាក់ពុំត្រឹមត្រូវតាមច្បាប់ និងបទប្បញ្ញត្តិ។
អតិថិជនអាចប្រឈមុខ នឹងការគំរាមកំហែង គៀបសង្កត់ គ្រោះថ្នាក់ ឬរូបភាពផ្សេងៗ ដើម្បីបង្ខំឱ្យសងប្រាក់ដើម ការប្រាក់ និងប្រាក់ពិន័យដែលមិនសមហេតុផលទៅក្រុមហ៊ុនវិញ។
ទ្រព្យធានារបស់អតិថិជន អាចត្រូវបានក្រុមហ៊ុន ឬអ្នកផ្តល់កម្ចីខុសច្បាប់ រឹបអូសដោយពុំឆ្លងកាត់ការសម្រេចពីតុលាការជាដើម។
ជាមួយគ្នានេះ ធនាគារជាតិបានអំពាវនាវឱ្យសាធារណជន បង្កើនការប្រុងប្រយ័ត្ន និងជៀសវាងការប្រើប្រាស់សេវាកម្មកម្ចីពីក្រុមហ៊ុន ឬអ្នកផ្តល់កម្ចីដែលគ្មានច្បាប់អនុញ្ញាតទាំងនោះ។
ទន្ទឹមនឹងនេះ ធនាគារជាតិ ក៏បាននឹងកំពុងស្នើសុំការសហការពីអាជ្ញាធរពាក់ព័ន្ធ ដើម្បីចាត់វិធានការតាមផ្លូវច្បាប់ទៅលើក្រុមហ៊ុន ឬអ្នកផ្តល់កម្ចីខុសច្បាប់គ្រប់រូបភាពទាំងអស់៕