PSG ចុះកុងត្រាយកអ្នកចាំទីវ័យ៤០ឆ្នាំ Buffon

2018-07-07 01:25:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្លឹបបារាំង Paris St-Germain បានចុះកុងត្រាជាមួយអតីតអ្នកចាំទីក្លឹប Juventus និងជាអ្នកចាំទីក្រុមជម្រើសជាតិអ៊ីតាលី Gianluigi Buffon ដោយគ្មានតម្លៃខ្លួន បន្ទាប់ពីអ្នកចាំទីវ័យ៤០ឆ្នាំរូបនេះចប់កុងត្រាជាមួយ Juventus នាចុងរដូវកាល២០១៧-១៨ កន្លងទៅ។

Buffon ពាក់អាវរបស់ PSG ក្រោយចុះកុងត្រារយៈពេល ១ឆ្នាំ

Buffon បានបញ្ចប់អាជីពនៅក្លឹបសេះបង្កង់ បន្ទាប់ពីប្រកបអាជីពរយៈពេល ១៧ឆ្នាំ ដោយលេងបាន ៦៥៦លើក និងបានផ្លាស់ទៅទ្រនំថ្មីនៅបារាំង ពោលគឺ PSG ។

សេចក្ដីរាយការណ៍បានឲ្យដឹងថា Buffon ដែលជួយ Juventus លើកពានរង្វាន់លីគកំពូលអ៊ីតាលី ៩លើក បានចុះកុងត្រារយៈពេល ១ឆ្នាំជាមួយ PSG ក្រោមលក្ខខណ្ឌអាចបន្តកុងត្រារយៈពេល ១២ខែទៀត។

យ៉ាងណាក៏ដោយ Buffon ត្រូវប្រជែងជាមួយអ្នកចាំទី Alphonse Areola ដើម្បីក្លាយជាអ្នកចាំទីជម្រើសទី១ ក្រោមក្រសែភ្នែករបស់លោក Thomas Tuchel គ្រូបង្វឹកក្លឹប PSG ដែលទើបតែត្រូវបានតែងតាំងថ្មី៕

ប្រភព៖ BBC ប្រែសម្រួល៖ លាភ.