រឿងក្មេងៗថៃជាប់ក្នុងល្អាង ត្រូវបានផលិតករហូលីវូដ ចុះសិក្សា ដើម្បីផលិតជាខ្សែភាពយន្ត

2018-07-12 02:57:41
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមផលិតករហូលីវូដបានចុះទៅដល់ជើងភ្នំនាងដេក ដែលជាកន្លែងដែលក្មេងៗកីឡាករបាល់ទាត់ទាំង ១២នាក់ រួមនឹងគ្រូបង្វឹកគេមួយរូបទៀតនោះបានជាប់ ដើម្បីសិក្សាលម្អិតពីរឿងរ៉ាវដើមហេតុទាំងប៉ុន្មាន ក្នុងការផលិតជាខ្សែភាពយន្តមួយនៅថ្ងៃខាងមុខ។

ទិដ្ឋភាពនៅក្នុងល្អាងភ្នំថាមលួង អំឡុងពេលក្រុមអ្នកសង្គ្រោះកំពុងបើកប្រតិបត្តិការ

អ្នកដឹកនាំផលិតសញ្ជាតិអាមេរិក២រូប លោក Scott និង Adam Smith បានចាប់ផ្ដើមធ្វើការសម្ភាសអ្នករស់នៅជុំវិញតំបន់ល្អាងភ្នំថាមហ្លូងរួចមកហើយ ក្នុងពេលក្រុមសង្គ្រោះ កំពុងរំដោះយកក្មេងៗចេញពីល្អាងនោះ។

ផលិតករទាំង២រូបនេះ គ្រោងនឹងសរសេរសាច់រឿង ដោយធ្វើបទសម្ភាសផ្ទាល់ជាមួយតួអង្គសំខាន់ៗដូចជាក្រុមអ្នកជួយសង្គ្រោះ ជនរងគ្រោះ រួមនឹងក្រុមគ្រួសារក្មេងៗទាំងនោះផងដែរ។

លោក Scott ជឿជាក់ថា រឿងរ៉ាវជុំវិញការជួយសង្គ្រោះចេញពីល្អាងភ្នំនេះ គឺជាគម្រោងមួយដ៏ល្អបំផុតសម្រាប់ខ្សែភាពយន្ត ដោយសារតែរឿងនេះកំពុងតែកក្រើកស្ទើរពាសពេញពិភពលោក រួមនឹងការកោតសរសើរស្ញប់ស្ញែងចំពោះក្រុមអ្នកជួយសង្គ្រោះផងនោះ។