អ្នកលេងបណ្ដាញសង្គម ប្រតិកម្មនឹងការថតខ្សែភាពយន្តបេសកកម្មជួយក្មេងនៅថៃ

2018-07-12 06:52:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកប្រើប្រាស់បណ្ដាញសង្គមមួយចំនួន បានបង្ហាញការយល់ឃើញស្រដៀងគ្នា ចំពោះការផ្ដួចផ្ដើមផលិតខ្សែភាពយន្តដែលបង្ហាញរូបភាព នៃបេសកកម្មជួយសង្គ្រោះយុវកីឡាករ១២នាក់ និងគ្រូបង្វឹកបាល់ទាត់ម្នាក់ ដែលត្រូវបានរំដោះចេញពីក្នុងល្អាងភ្នំថាមហ្លូង ខេត្តឈៀងរ៉ៃ ប្រទេសថៃ កាលពីពេលថ្មីៗកន្លងទៅ។

រូបក្មេងៗកីឡាករបាល់ទាត់ ទាំង១២នាក់

ម្ចាស់គណនី Twitter ជាច្រើន ទាំងគណនីដែលមានការទទួលស្គាល់ (Verified) និងគណនីផ្សេងៗ បានលើកឡើងដូចគ្នាថា ខ្សែភាពយន្តខាងលើ នឹងត្រូវសម្ដែងដោយជនជាតិស្បែក ស មិនមែនជាជនជាតិថៃនោះទេ។

យ៉ាងណាក៏ដោយ លោក John M. Chu អ្នកដឹកនាំរបស់ផលិតកម្ម Ivanhoe Pictures បានអះអាងនៅលើគណនី Twitter ផ្លូវការរបស់ខ្លួនថា បើសិនជាផលិតកម្មរបស់លោក ទទួលថត ពួកគេនឹងយកចិត្តទុកដាក់ពីភាពចម្រុះជាតិសាសន៍ក្នុងរឿងនេះ។

ទ័ពជើងទឹកថៃ នៅមុខល្អាងភ្នំថាមហ្លូង ខេត្តឈៀងរ៉ៃ ប្រទេសថៃ កាលពីថ្ងៃទី១០កក្កដា (រូបថត៖ Reuters)

សូមជម្រាបថា មកទល់ពេលនេះ យ៉ាងហោចណាស់មានផលិតកម្មហូលីវូដចំនួន ២ កំពុងទាក់ទងផលិតខ្សែភាពយន្តរបស់ក្រុមបាល់ទាត់ថៃដែលមានឈ្មោះថា "Wild Boars” គឺផលិតកម្ម Pure Flix និង Ivanhoe Pictures ។ រឿងនេះ នឹងត្រូវគេយកទៅប្រៀបធៀបជាមួយខ្សែភាពយន្ត "The 33” ដែលឆ្លុះបញ្ចាំងពីបេសកកម្មជួយសង្គ្រោះអ្នកជីករ៉ែសញ្ជាតិឈីលី ៣៣នាក់ ដែលបានជាប់នៅក្រោមដីជាង ៣ខែ កាលពីឆ្នាំ២០១០៕

អត្ថបទទាក់ទង រឿងក្មេងៗថៃជាប់ក្នុងល្អាង ត្រូវបានផលិតករហូលីវូដ ចុះសិក្សា ដើម្បីផលិតជាខ្សែភាពយន្ត

ប្រភព៖ Asiancorrespondent ប្រែសម្រួល៖ លាភ.