អភិបាលខេត្តកំពង់ធំ ស្រាយបំភ្លឺរឿងមន្ទិលដុំថ្មចំណុចកណ្ដាលប្រទេសកម្ពុជា

2018-07-12 09:38:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក សុខ លូ អភិបាលខេត្តកំពង់ធំ បានសរសេរលើទំព័រហ្វេសប៊ុកផ្លូវការរបស់លោកកាលពីថ្ងៃ១១ កក្កដា ឆ្នាំ២០១៨ ថា៖ "ដុំថ្មមួយដុំនៅក្បែរខ្លោងទ្វារចូលសណ្ឋាគារស្ទឹងសែន នៅក្នុងក្រុងស្ទឹងសែន ខេត្តកំពង់ធំ មិនមែនជាចំណុចផ្ចិតកណ្ដាលនៃប្រទេសកម្ពុជាឡើយ"។

លោក សុខ លូ អភិបាលខេត្តកំពង់ធំ

ការបង្ហោះសាររបស់លោកអភិបាលខេត្តរូបនេះ កើតឡើងក្រោយពីមានការលើកឡើងរបស់ប្រជាពលរដ្ឋមួយចំនួន ដែលថាអាជ្ញាធរខេត្តកំពង់ធំ មិនអើពើទៅនឹងដុំថ្ម ដែលនៅចំចំណុចកណ្ដាលនៃប្រទេសកម្ពុជា។ លោក សុខ លូ បានសរសេរថា "កន្លងមក និងបន្តរហូតមកដល់បច្ចុប្បន្ននេះ នៅតែមានបងប្អូនមួយចំនួនយល់ថា ដុំថ្មមួយដុំនៅក្បែរខ្លោងទ្វារចូលសណ្ឋាគារស្ទឹងសែន នៅក្នុងក្រុងស្ទឹងសែន ខេត្តកំពង់ធំ ថាជាចំណុចផ្ចិតនៃប្រទេសកម្ពុជា។ សូមជម្រាបថា តាំងតែពីក្នុងអំឡុងឆ្នាំ២០០៧ ដែលមានឯកឧត្ដម ណាំ ទុំ ជាអភិបាលខេត្ត បានសិក្សាពីករណីនេះទៅ ឃើញថា ដុំថ្មនេះមិនមែនជាចំណុចផ្ចិតនៃប្រទេសខ្មែរស្អីទេ គឺប្រហែលជាបង្គោលប្រថពីវិភាគតែប៉ុណ្ណោះ ហើយបង្គោលបែបនេះនៅខេត្តកំពង់ធំមិនមែនមានតែមួយនោះទេ"។

ដុំថ្ម ដែលប្រជាពលរដ្ឋភាគច្រើន គិតថាជាដុំថ្ម បញ្ជាក់ពីចំណុចកណ្ដាលប្រទេសកម្ពុជា

ទាក់ទងនឹងរឿងនេះ លោកអភិបាលខេត្តកំពង់ធំ បានបញ្ជាក់ប្រាប់ [ខ្លីៗ] ថា "ខ្ញុំអត់មានឯកសារអ្វីបន្ថែមនោះទេ តែខ្ញុំបង្ហោះនេះ គឺដើម្បីកុំឲ្យបងប្អូនចេះតែជឿ ដោយគ្រាន់តែឮតៗគ្នា។ បើនេះជាផ្ចិតនៃប្រទេសមែន ខ្ញុំច្បាស់ជាកសាងដើម្បីជាប្រយោជន៍ខេត្តទាំងមូល។ នៅពេលខាងមុខ ខ្ញុំអាចនឹងគិតគូរដើម្បីរកចំណុចណាដែលនៅចំកណ្ដាលជាងគេ ដើម្បីសាងសង់អ្វីមួយជូនអ្នកទេសចរណ៍បានស្គាល់"។

ចុចអានអត្ថបទទាក់ទង៖