អាមេរិក តាមដាននាវាចិន ដែលកំពុងឈ្លបយកការណ៍ពីសមយុទ្ធ RIMPAC

2018-07-15 06:31:49
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កងទ័ពជើងទឹកអាមេរិក កំពុងឃ្លាំមើលនាវាចារកម្មរបស់ចិន១គ្រឿង នៅក្នុងដែនសមុទ្រអន្តរជាតិ ក្បែរកោះហាវៃ ជាកន្លែងដែលប្រទេសចំនួន២៦ កំពុងចូលរួមធ្វើសមយុទ្ធ RIMPAC ប្រចាំឆ្នាំ។ នេះបើតាមការចេញផ្សាយរបស់ CNN កាលពីថ្ងៃទី១៤ ខែកក្កដា ឆ្នាំ២០១៨។

មន្រ្តីកងទ័ពជើងទឹកអាមេរិក ប្រចាំតំបន់ប៉ាស៊ីហ្វិក លោក Charles Brown បានថ្លែងថា នាវាឈ្លបរបស់ចិន បានទៅដល់ទីនោះ កាលពីថ្ងៃទី១១ ខែកក្កដា។ លោករំពឹងថា នាវានេះ នឹងនៅតែស្ថិតនៅក្រៅដែនសមុទ្រអាមេរិក ហើយក៏មិនបើកប្រតិបត្តិការណាមួយ ដែលបង្កការរំខានដល់ការធ្វើសមយុទ្ធនេះដែរ។

នាវាផ្ទុកយន្តហោះ USS Carl Vinson ចូលចតក្នុងកំពង់ផែ Pearl Habor ដើម្បីត្រៀមចូលរួមសមយុទ្ធ RIMPAC 2018។ រូបថត៖ កងទ័ពជើងទឹកអាមេរិក

សូមបញ្ជាក់ថា សមយុទ្ធនេះ គឺមានការចូលរួមពីនាវាចំនួន៤៧គ្រឿង នាវាមុជទឹក ៥គ្រឿង យន្តហោះជាង ២០០គ្រឿង និងទាហាន ២៥០០០នាក់។ ចិនមិនត្រូវបានអាមេរិក អញ្ជើញឱ្យចូលរួមក្នុងសមយុទ្ធនេះឡើយ ដោយសារតែសកម្មភាពយោធារបស់ចិន នៅក្នុងសមុទ្រចិនខាងត្បូង។

គួររំលឹកថា ចិន ក៏ធ្លាប់បានបញ្ជូននាវាឈ្លបយកការណ៍ ទៅត្រួតពិនិត្យមើលលំហាត់សមយុទ្ធនេះ កាលពីឆ្នាំ២០១៤ និង ២០១៦ផងដែរ៕

ប្រភព៖ CNN ប្រែសម្រួល៖ សំភី