លោក ពូទីន ផ្ដល់កាដូមួយដល់អ្នកគាំទ្របរទេស

2018-07-16 02:34:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីរុស្ស៊ី លោក វ៉្លាឌឺមៀ ពូទីន បានធ្វើការអរគុណចំពោះកីឡាករ និងអ្នកគាំទ្រទាំងអស់ ដែលបានចូលរួមក្នុងព្រឹត្តិការណ៍ FIFA World Cup 2018។ លើសពីនេះ លោកបានសម្រេចឲ្យជនបរទេសទាំងអស់ដែលមានកាតសម្គាល់អ្នកគាំទ្រ អាចធ្វើដំណើរទៅកាន់ប្រទេសរុស្ស៊ីបានដោយមិនត្រូវការទិដ្ឋាការឡើយ។ ការសម្រេចនេះ នឹងចាប់អនុវត្តពីរហូតដល់ដំណាច់ឆ្នាំ២០១៨។

លោក ពូទីន និងនាយករដ្ឋមន្ត្រីរុស្ស៊ី លោក Dmitry Medvedev (រូបថត៖ theconversation.com)

លោក ពូទីន បានមានប្រសាសន៍ទៅកាន់អ្នកសារព័ត៌មាន អំពីភាពល្អប្រសើរ ដែលមិនមានអំពើហិង្សាផ្សេងៗបានកើតឡើងអំឡុងព្រឹត្តិការណ៍ខាងលើនោះទេ។ លោកបញ្ជាក់ថា ការអនុញ្ញាតឲ្យជនបរទេសចូលទៅកាន់ប្រទេសរុស្ស៊ី គឺសម្រាប់ជនបរទេសដែលមានកាតអ្នកគាំទ្រ ដែលត្រូវបានផ្ដល់ជូននៅពេលទិញសំបុត្រទស្សនា World Cup កន្លងទៅ។

សូមជម្រាបថា បារាំងបានក្លាយជាជើងឯក World Cup 2018 បន្ទាប់ពីយកឈ្នះក្រូអាត ដោយលទ្ធផល ៤-២ នៅវគ្គផ្តាច់ព្រ័ត្រ នាកីឡដ្ឋាន Luzhniki ទីក្រុងម៉ូស្គូ ប្រទេសរុស្ស៊ី កាលពីយប់មិញ៕

ប្រភព៖ RT ប្រែសម្រួល៖ លាភ.