អាជ្ញាធរខេត្តក្រចេះ ប្រកាសឱ្យបញ្ឈប់ការផលិត និងទទួលទានស្រា ស ជាបន្ទាន់

2018-07-16 12:15:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រដ្ឋបាលខេត្តក្រចេះ នៅថ្ងៃទី១៦កក្កដានេះ បានព្រមានឱ្យប្រជាពលរដ្ឋទាំងអស់ក្នុងខេត្តនេះ បញ្ឈប់ការផលិតស្រាស និងទទួលទានស្រាសជាបន្ទាន់ដើម្បីធានាសុវត្ថិភាព និងបង្ការគ្រោះថ្នាក់បន្ថែមទៀត។ ហើយបើសិននៅតែបន្តការផលិតស្រាស នឹងត្រូវប្រឈមមុខចំពោះច្បាប់ជាធរមាន។

ក្រុមគ្រូពេទ្យ នៅមន្ទីរពេទ្យបង្អែកស្នួល កំពុងព្យាបាលអ្នកជំងឺ ដោយសារពុលស្រាស (រូបថត៖ FB ក្រសួងសុខាភិបាល)

ក្នុងសេចក្តីប្រកាសព័ត៌មានរបស់រដ្ឋបាលខេត្តក្រចេះ បានបញ្ជាក់ថា ការព្រមាននេះ គឺបន្ទាប់ពីមានករណីពុលស្រាស នៅឃុំស្នួល ស្រុកស្នួល ខេត្តក្រចេះ ដែលបណ្តាលឱ្យមានអាការៈ ថប់ដង្ហើម វិលមុខ ស្រវាំងភ្នែក និងអស់កម្លាំងជាដើម។

សូមរំលឹកថា កាលពីថ្ងៃទី១២ និង១៣ ខែកក្កដា ឆ្នាំ២០១៨ មានករណីពុលស្រាស នៅក្នុងពិធីជួបជុំ និងពិធីបុណ្យរបស់ប្រជាពលរដ្ឋ នៅក្នុងស្រុកស្នួល ដែលបណ្តាលឱ្យមានអ្នកឈឺ និងស្លាប់។ គិតត្រឹមរសៀលថ្ងៃទី១៥ ខែកក្កដា ឆ្នាំ២០១៨ អ្នកស្លាប់ក្នុងករណីពុលស្រាសនេះ មានចំនួន៣នាក់ និងមានអ្នកឈឺសម្រាកព្យាបាលក្នុងមន្ទីរពេទ្យមានចំនួន ៦២នាក់។ ក្រោយការអង្កេតស្រាវជ្រាវ ក្រសួងសុខាភិបាលបានសន្និដ្ឋានថា អ្នកឈឺ និងអ្នកស្លាប់ក្នុងករណីនេះ គឺបណ្តាលមកពីការ "ពុលស្រាស ដែលមានសារធាតុមេតាណុល"។ បើតាមសេចក្តីប្រកាសព័ត៌មានរបស់ក្រសួងសុខាភិបាល៕

អត្ថបទ៖ សោភា