ជួបលោក ពូទីន ភ្លាម! លោក ដូណាល់ ត្រាំ សរសើរថា រុស្ស៊ី ធ្វើបានយ៉ាងល្អនៅ World Cup
- 2018-07-16 13:53:54
- ចំនួនមតិ 0 | ចំនួនចែករំលែក 0
ជួបលោក ពូទីន ភ្លាម! លោក ដូណាល់ ត្រាំ សរសើរថា រុស្ស៊ី ធ្វើបានយ៉ាងល្អនៅ World Cup
ចន្លោះមិនឃើញ
ក្នុងជំនួបកំពូលជាមួយលោកប្រធានាធិបតីរុស្សី វ្លាឌីមៀ ពូទីន នៅក្រុង Helsinki ប្រទេសហ្វាំងឡង់នាថ្ងៃទី១៦កក្កដានេះ លោកប្រធានាធិបតីអាមេរិក ដូណាល់ ត្រាំ បានសរសើរថា រុស្ស៊ី ធ្វើបានយ៉ាងល្អទាំងការរៀបចំធ្វើជាម្ចាស់ផ្ទះ និងការប្រកួត World Cup 2018 ដែលបានបញ្ចប់កាលពីថ្ងៃអាទិត្យម្សិលមិញនេះ។
លោក ដូណាល់ ត្រាំ បាននិយាយយ៉ាងដូច្នេះទៅកាន់លោក ពូទីន ថា៖ «ដំបូងបំផុត ខ្ញុំសូមអបអរសាទរលោកប្រធានាធិបតី ចំពោះព្រឹត្តិការណ៍ World Cup ដ៏អស្ចារ្យ១។ ក្រុមរបស់លោក ក៏ធ្វើបានយ៉ាងល្អផងដែរ»។
គួរកត់សម្គាល់ដែរថា ក្រោយបញ្ចប់ការប្រកួតវគ្គផ្តាច់ព្រ័ត្រ World Cup 2018 លោក ដូណាល់ ត្រាំ ក៏បានបង្ហោះនៅលើបណ្តាញ Twitter របស់លោកភ្លាមៗផងដែរ ដោយអបអរក្រុមបារាំង ដែលឈ្នះជើងឯក និងបានអបអរលោក ពូទីន និងរុស្ស៊ី ចំពោះការរៀបចំព្រឹត្តិការណ៍នេះ៕