ជួបលោក ពូទីន ភ្លាម! លោក ដូណាល់ ត្រាំ សរសើរថា រុស្ស៊ី ធ្វើបានយ៉ាងល្អនៅ World Cup

2018-07-16 13:53:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងជំនួបកំពូលជាមួយលោកប្រធានាធិបតីរុស្សី វ្លាឌីមៀ ពូទីន នៅក្រុង Helsinki ប្រទេសហ្វាំងឡង់នាថ្ងៃទី១៦កក្កដានេះ លោកប្រធានាធិបតីអាមេរិក ដូណាល់ ត្រាំ បានសរសើរថា រុស្ស៊ី ធ្វើបានយ៉ាងល្អទាំងការរៀបចំធ្វើជាម្ចាស់ផ្ទះ និងការប្រកួត World Cup 2018 ដែលបានបញ្ចប់កាលពីថ្ងៃអាទិត្យម្សិលមិញនេះ។

លោក ដូណាល់ ត្រាំ បាននិយាយយ៉ាងដូច្នេះទៅកាន់លោក ពូទីន ថា៖ «ដំបូងបំផុត ខ្ញុំសូមអបអរសាទរលោកប្រធានាធិបតី ចំពោះព្រឹត្តិការណ៍ World Cup ដ៏អស្ចារ្យ១។ ក្រុមរបស់លោក ក៏ធ្វើបានយ៉ាងល្អផងដែរ»។

លោក ដូណាល់ ត្រាំ ក្នុងជំនួបជាមួយលោក ពូទីន នៅក្រុង Helsinki នាថ្ងៃទី១៦កក្កដា ២០១៨។ រូបថត៖ Reuters

សូមបញ្ជាក់ថា ក្នុងព្រឹត្តិការណ៍ World Cup 2018 នេះ រុស្ស៊ី បានឈានដល់វគ្គ ៨ក្រុមចុងក្រោយជាលើកដំបូងក្នុងប្រវត្តិសាស្រ្ត ដោយបានទម្លាក់ក្រុមអេស្ប៉ាញ នៅវគ្គ១៦ក្រុមចុងក្រោយ តាមរយៈការទាត់បាល់កាត់សេចក្តី ១១ម៉ែត្រ។ ប៉ុន្តែនៅវគ្គ៨ក្រុម រុស្ស៊ី បានប្រកួតចាញ់ ក្រូអាត ដោយបាល់កាត់សេចក្តី១១ម៉ែត្រផងដែរ។

គួរកត់សម្គាល់ដែរថា ក្រោយបញ្ចប់ការប្រកួតវគ្គផ្តាច់ព្រ័ត្រ World Cup 2018 លោក ដូណាល់ ត្រាំ ក៏បានបង្ហោះនៅលើបណ្តាញ Twitter របស់លោកភ្លាមៗផងដែរ ដោយអបអរក្រុមបារាំង ដែលឈ្នះជើងឯក និងបានអបអរលោក ពូទីន និងរុស្ស៊ី ចំពោះការរៀបចំព្រឹត្តិការណ៍នេះ៕

ប្រភព៖ telegraph ប្រែសម្រួល៖ សំភី