Ronaldo បង្ហើរសារជាលើកដំបូងទៅឲ្យ Messi ក្រោយចូលលេងនៅ Juventus
- 2018-07-17 02:47:32
- ចំនួនមតិ 0 | ចំនួនចែករំលែក 0
Ronaldo បង្ហើរសារជាលើកដំបូងទៅឲ្យ Messi ក្រោយចូលលេងនៅ Juventus
ចន្លោះមិនឃើញ
នៅក្នុងសន្និសីទជាលើកដំបូងតាំងនាមជាកីឡាករក្លឹប Juventus អតីតខ្សែប្រយុទ្ធ Real Madrid បានបញ្ជាក់ថា ខ្លួនមិនធ្លាប់ចាត់ទុក Lionel Messi ជាគូប្រជែងនោះឡើយ។
Cristiano Ronaldo ប្រាប់ថា នៅក្នុងលីគ La Liga ពេលនៅលេងឲ្យ Real Madrid ការប្រកួតជាមួយនឹង Messi គឺជារឿងគួរឲ្យចាប់អារម្មណ៍ និងជាបទពិសោធន៍ដ៏ល្អ តែវាមិនមែនជាការប្រកួតក្នុងនាមជាសត្រូវនឹងគ្នានោះទេ។ Ronaldo និយាយថា៖ "នេះគឺជាអ្វីដែលខ្ញុំធ្វើសម្រាប់កីឡា ក្លឹប Manchester United និងក្លឹប Real Madrid។ ឯគាត់ (Messi) ធ្វើវាសម្រាប់ក្លឹប Barcelona របស់គាត់"។
គួរបញ្ជាក់ថា Ronaldo និង Messi ត្រូវគេចាត់ទុកជាកីឡាករល្អបំផុតនៅលើពិភពលោក ក្នុងរយៈពេល១ទសវត្សចុងក្រោយនេះ ដែលការប្រកួតរវាង Real Madrid និង Barcelona នៅលីគ La Liga ម្ដងៗ រមែងទាញការចាប់អារម្មណ៍ខ្លាំងពីសំណាក់អ្នកគាំទ្រ។ Ronaldo បានចាកចេញពី Manchester United ទៅកាន់ក្លឹប Real Madrid នៅឆ្នាំ២០០៩ មុនសម្រេចផ្ទេរទៅ Juventus កាលពីថ្ងៃទី១០ ខែកក្កដា ឆ្នាំ២០១៨កន្លងទៅក្នុងតម្លៃខ្លួន ១៤០លានដុល្លារ និងទទួលកម្លាំងពលកម្មជាង ៦៦ម៉ឺនដុល្លារក្នុង១សប្ដាហ៍។ ចំណែក Messi បានចូលលេងឲ្យក្លឹប Barcelona ចាប់តាំងពីឆ្នាំ២០០៣ រហូតមកទល់នឹងបច្ចុប្បន្ន ដោយពុំទាន់បានចាកចេញទៅកាន់ក្លឹបផ្សេងណាឡើយ៕